മുൻ പാകിസ്താൻ ക്രിക്കറ്റ് ടീം നായകൻ ഇൻസമാം ഉൾ ഹഖിന് തിങ്കളാഴ്ച രാത്രിയിലുണ്ടായ ഹൃദയാഘാതത്തെ തുടർന്ന് ആശുപത്രിയിൽ പ്രവേശിപ്പിച്ചു. വിഖ്യാത ഹൃദ്രോഗവിദഗ്ദ്ധൻ പ്രൊഫ. അബ്ബാസ് കാസിം ഇൻസമാമിനെ ആൻജിയോപ്ലാസ്റ്റിക്ക് വിധേയനാക്കി.
നെഞ്ചുവേദനയെ തുടർന്ന് നേരത്തെ പരിശോധന നടത്തിയെങ്കിലും കാര്യമായ പ്രശ്നമൊന്നും കണ്ടത്താനായില്ല. തുടർന്ന് തിങ്കളാഴ്ച രാത്രി കടുത്ത നെഞ്ചുവേദന അനുഭവപ്പെടുകയും ശ്വാസതടസ്സം രൂക്ഷമാവുകയും ചെയ്തതോടെ സ്വകാര്യ ആശുപത്രിയിൽ പ്രവേശിപ്പിക്കുകയായിരുന്നു. ചികിത്സയിൽ കഴിയുന്ന ഇൻസമാം സുഖം പ്രാപിച്ചുവരികയാണെന്ന് അദ്ദേഹത്തിന്റെ ഏജന്റ് അറിയിച്ചിട്ടുണ്ട്.
അമ്പത്തിയൊന്നുകാരനായ ഇൻസ്മാം പാകിസ്താനുവേണ്ടി ഏകദിനത്തിൽ ഏറ്റവും കൂടുതൽ റൺസ് കരസ്ഥമാക്കിയ താരമാണ്.375 ഏകദിനങ്ങളിൽ നിന്ന് 11701 ഉം 119 ടെസ്റ്റിൽ നിന്നും 8829 റൺസുമാണ് ഇൻസ്മാം നേടിയെടുത്തത്.പാകിസ്താൻ ക്രിക്കറ്റ് ടീമിന്റെ മുഖ്യ സെലക്റായി മൂന്ന് വർഷം സേവനമനുഷ്ഠിച്ചിരുന്നു.
Story highlight : Inzamam ul Haq suffered heart attack.
