വയനാട്ടിലെ പനമരത്ത് വൃദ്ധദമ്പതികളെ ജൂണ്‍ 10ആം തീയതി കൊലപ്പെടുത്തിയ സംഭവത്തിൽ ഇവരുടെ അയല്‍വാസിയായ അര്‍ജുന്‍ ആണ് പിടിയിലായത്. ഇയാളെ ചോദ്യം ചെയ്യുന്നതിനായി നാലു ദിവസം മുമ്പ് ഡി.വൈ.എസ്.പി ഓഫീസിലേക്ക് വിളിപ്പിച്ചിരുന്നു.
ഇതേതുടർന്ന് വിഷംകഴിച്ച് ആത്മഹത്യക്ക് ശ്രമിച്ചിരുന്ന ഇയാളെ ആശുപത്രിയില്‍ പ്രവേശിപ്പിച്ചതിനാല്‍ ചോദ്യം ചെയ്യാന്‍ കഴിഞ്ഞിരുന്നില്ല. തുടർന്ന് ഇന്നലെയാണ് പൊലീസ് വീണ്ടും ഇയാളെ ചോദ്യം ചെയ്തത്. അര്‍ജുന്‍ കുറ്റ സമ്മതം നടത്തിയതായി പോലീസ് പറഞ്ഞു.
വീട്ടില്‍ നിന്നും ലഭ്യമായ ഒരു വിരലടയാളവും കുളത്തില്‍ നിന്നുള്ള രക്തക്കറയുമായിരുന്നു പൊലീസിന് ആകെ ഉണ്ടായിരുന്ന തെളിവുകൾ. കേസുമായി ബന്ധപ്പെട്ട് എഴുനൂറോളം ആളുകളെ പൊലീസ് ചോദ്യം ചെയ്തിരുന്നു. സംഭവുമായി ബന്ധപ്പെട്ട് കൂടുതല്‍ വിവരങ്ങള്‍ പുറത്തുവരേണ്ടതുണ്ട്.
Story highlight : Defendant arrested for killing elderly couple in panamaram .
