രാജ്യത്തിന്റെ തലസ്ഥാന നഗരിയിൽ സ്ത്രീകൾ സുരക്ഷിതരല്ലെന്ന് ക്രൈം റെക്കോർഡ്സ് ബ്യൂറോ കണക്കുകൾ വെളിപ്പെടുത്തുന്നു. കഴിഞ്ഞ വർഷങ്ങളിൽ സ്ത്രീകൾക്കെതിരായ കുറ്റകൃത്യങ്ങൾ വർധിച്ചതായാണ് കണ്ടെത്തൽ.
ഡൽഹിയിൽ 2019-20 വർഷത്തിൽ കോവിഡ് മഹാമാരി മൂലം പ്രഖ്യാപിച്ച ലോക്ക്ഡൗണിൽ പോലും സ്ത്രീകൾക്കെതിരെയുള്ള 10,093 അതിക്രമ കേസുകൾ രജിസ്റ്റർ ചെയ്തതായാണ് റിപ്പോർട്ട്.
മുംബൈ,പുനെ,ബംഗളൂരു, ഇൻഡോർ എന്നിവിടങ്ങളിൽ രജിസ്റ്റർ ചെയ്യുന്ന കേസുകളുടെ ഇരട്ടിയാണ് ഡൽഹിയിലെ കണക്കുകൾ.
സ്ത്രീകൾക്കെതിരെ നടന്ന അക്രമത്തിൽ 997 ലൈംഗിക പീഡന കേസുകളും 110 ഗാർഹിക പീഡന കേസുകളും 1840 ആക്രമണങ്ങളും 326 തട്ടിപ്പുകേസുകളുമാണ് ഡൽഹി പോലീസ് കഴിഞ്ഞ വർഷം രജിസ്റ്റർ ചെയ്തത്.
കൂടാതെ 30 വയസിൽ താഴെയുള്ള സ്ത്രീകളാണ് ഏറ്റവും കൂടുതൽ അതിക്രമത്തിന് ഇരയായതെന്നും കണക്കുകൾ വ്യക്തമാക്കുന്നു.
മുൻപ് 50 മുതൽ 60 കേസുകളുടെ സ്ഥാനത്ത് 168 കേസുകളാണ് കഴിഞ്ഞ വർഷം സൈബർ ക്രൈം വിഭാഗത്തിൽ രജിസ്റ്റർ ചെയ്തത്.
Story Highlights: Women are not safe in New Delhi says Crime Records Bureau reports
