പിഞ്ചുകുഞ്ഞിന്‍റെ തലയുമായി നടുറോഡിലൂടെ ഓടിയ നായ ഭീതിയുണർത്തുന്നു.തമിഴ്നാട്ടിലെ മധുരയ്ക്ക് സമീപത്തായി ബിബികുളത്താണ് ഇന്നലെ ഉച്ചയോടെ സംഭവം നടന്നത്.
ബിബികുളത്തുള്ള ഇന്‍കം ടാക്സ് ഓഫീസിന്‍റെ സമീപത്തായാണ് കുഞ്ഞിന്‍റെ തലയും കടിച്ചെടുത്ത് ഓടുന്ന നായയെ കണ്ടത്. ഈ ഞെട്ടിക്കുന്ന കാഴ്ചയ്ക്ക് സാക്ഷിയായവർ പൊലീസിനെ വിവരം അറിയിക്കുകയായിരുന്നു.പൊലീസ് സ്ഥലത്തെത്തി നായയെ ഓടിച്ച്‌ കുഞ്ഞിന്‍റെ തല പെട്ടിയിലാക്കിയ ശേഷം ആശുപത്രിയിലേക്ക് മാറ്റി.ഗവണ്‍മെന്റ് രാജാജി ആശുപത്രിയിലാണ് പോസ്റ്റുമോര്‍ട്ടം നടക്കുക.
ഏതെങ്കിലും വീട്ടില്‍ നിന്നും കുഞ്ഞിനെ നായ കടിച്ചെടുത്തതാകാന്‍ സാധ്യതയില്ലെന്നാണ് പൊലീസിന്‍റെ പ്രാഥമിക നിഗമനം. കുഞ്ഞിനെ എവിടെയെങ്കിലും ഉപേക്ഷിക്കപ്പെട്ടതായിരിക്കാം. ചെളിപുരണ്ട നിലയിലായിരുന്നു കുഞ്ഞിന്‍റെ തല. കുഞ്ഞ് ആരാണെന്ന് തിരിച്ചറിയാന്‍ സാധിച്ചില്ല.സംഭവത്തിൽ അന്വേഷണം ഉർജിതമാക്കുമെന്ന് മധുര ജില്ലാ പൊലീസ് മേധാവി അറിയിച്ചു.
Story highlight : Dog in the middle of the Street with a baby’s head.
