സിപിഐ നേതാവ് ആനി രാജ കേരള പൊലീസിനെതിരെ രൂക്ഷവിമര്‍ശനവുമായി രംഗത്ത്. കേരള പൊലീസില്‍ ആര്‍എസ്എസ് ഗ്യാങ് പ്രവര്‍ത്തിക്കുന്നതായി സംശയമുണ്ടെന്നായിരുന്നു ആനി രാജയുടെ വിമർശനം.
പൊലീസില്‍ നിന്നും സ്ത്രീസുരക്ഷ സംബന്ധിച്ച സര്‍ക്കാര്‍ നയത്തിനെതിരെ ബോധപൂര്‍വം ഇടപെടലുകൾ ഉണ്ടാകുകയാണ്. സംസ്ഥാനത്ത് ഗാര്‍ഹിക പീഡനത്തിനെതിരെ കാര്യക്ഷമമായി നിയമം നടപ്പിലാക്കുന്നില്ല. പല മരണങ്ങളും സംഭവിക്കുന്നത് പൊലീസുകാരുടെ അനാസ്ഥമൂലമാണ്.
ആറ്റിങ്ങലിലെ സംഭവത്തില്‍ പൊലീസുകാർക്കെതിരായി ദളിത് പീഡനത്തിന് കേസ് രജിസ്റ്റർ ചെയ്യണമെന്നും ആനി രാജ ആവശ്യപ്പെടുകയുണ്ടായി. പൊലീസിനിടയില്‍ കേരള സര്‍ക്കാരിന്റെ നയങ്ങള്‍ക്കെതിരെ പ്രവര്‍ത്തിക്കാനായി ആര്‍എസ്എസ് ഗ്യാങ് നിലവിലുണ്ടെന്നതാണ് സംശയം.
സ്ത്രീസുരക്ഷയ്ക്കായി പ്രത്യേക വകുപ്പ് ആവശ്യമാണ്. ഇക്കാര്യം ആവശ്യപ്പെട്ടുകൊണ്ട് മുഖ്യമന്ത്രിക്ക് കത്ത് നൽകുമെന്നും ആനി രാജ വ്യക്തമാക്കി. ഇതേ സമയം, ആനി രാജ ഉന്നയിച്ച കാര്യങ്ങൾ ഗൗരവകരമെന്ന് പ്രതിപക്ഷനേതാവ് വി ഡി സതീശൻ പറഞ്ഞു. എന്തെങ്കിലും തെളിവുകളുടെ അടിസ്ഥാനത്തിലായിരിക്കാം ആനി രാജ ഇക്കാര്യം വ്യക്തമാക്കിയത്.
സർക്കാരിനോട് തെളിവുകൾ വെളിപ്പെടുത്തണെമെന്നും ആനി രാജ ചൂണ്ടി ക്കാ ട്ടിയ വിഷയത്തിൽ മുഖ്യമന്ത്രി ആവശ്യമായ നടപടി സ്വീകരിക്കണമെന്നും വി ഡി സതീശൻ ആവശ്യപ്പെട്ടു.
Story highlight : Annie Raja agianst kerala police.
