മലപ്പുറം : ഹരിതയുടെ പരാതിയിയെ തുടർന്ന് ഖേദം പ്രകടിപ്പിച്ച് എംഎസ്എഫ് സംസ്ഥാന പ്രസിഡന്‍റ് പി.കെ. നവാസ് രംഗത്ത്. സഹപ്രവര്‍ത്തകര്‍ക്ക് തെറ്റിദ്ധാരണയുണ്ടായതില്‍ ഖേദിക്കുന്നുവെന്നും പി.കെ. നവാസ് കൂട്ടിച്ചേർത്തു.
പാര്‍ട്ടിയാണ് പ്രധാനം, ഇതോടെ വിവാദങ്ങളെല്ലാം അവസാനിക്കട്ടെയെന്നും നവാസ് ഫെയ്സ്ബുക്കില്‍ കുറിച്ചു. എംഎസ്എഫ് നേതാക്കള്‍ക്കെതിെര ‘ഹരിത’ വിവാദത്തില്‍ നടപടിയുണ്ടാകില്ലെന്ന് ലീഗ് നേതൃത്വം അറിയിച്ചിരുന്നു.
ഫെയ്സ്ബുക്കിലൂടെ എംഎസ്എഫ് നേതാക്കൾ ഖേദം പ്രകടിപ്പിക്കുമെന്ന പ്രസ്താവനയ്ക്ക് പിന്നാലെയാണ് നവാസിന്റെ പ്രതികരണം. മുസ്‌ലിം ലീഗ് ഹരിതയെ മരവിപ്പിച്ച നടപടി പിൻവലിച്ചിരുന്നു. വനിതാ കമ്മിഷനു സമർപ്പിച്ച പരാതി ഹരിത പിന്‍വലിക്കാന്‍ ധാരണയായിട്ടുണ്ടെന്നും ലീഗ് വാര്‍ത്താക്കുറിപ്പിലൂടെ വ്യക്തമാക്കി.
Story highlight : MSF state president Navas apologize in the Haritha issue.
