മുങ്ങിമരിച്ച യുവാവിനെ തലകീഴായി കെട്ടിത്തൂക്കി നാട്ടുകാർ.

മധ്യപ്രദേശിലെ ഗുന ജില്ലയിലാണ് മുങ്ങി മരിച്ചയാളെ മരത്തിൽ തലകീഴായി കെട്ടിത്തൂക്കിയത്. മധ്യപ്രദേശിലെ ജോഗിപുര നദിയിൽ കുളിക്കവെയാണ് ഇയാൾ മുങ്ങിമരിച്ചത്.

സമീപപ്രദേശ വാസികൾ രക്ഷിക്കാൻ ശ്രമിച്ചെങ്കിലും സാധിച്ചില്ല. തുടർന്ന് ഇവർ ഇദ്ദേഹത്തെ തലകീഴായി മരത്തിൽ കെട്ടി തൂക്കുക യായിരുന്നു. ശരീരത്തിലെ അധിക ജലം പുറത്തു കളയാനാണ് ഇത്തരത്തിൽ ചെയ്തതെന്ന് പ്രദേശവാസികൾ പോലീസിനോട് പറഞ്ഞു.

സംഭവത്തിലെ വീഡിയോ ദൃശ്യങ്ങൾ സമൂഹമാധ്യമങ്ങളിൽ പ്രചരിക്കുകയാണ്. മൃതദേഹത്തിന് ചുറ്റും കൂടിനിന്ന് ജനങ്ങൾ മതപ്രകാരമുള്ള ജപങ്ങൾ ഉരുവിടുന്നതും കാണാം. മൃതദേഹത്തിന് സമീപം പോലീസുകാരും കൂടി നിൽക്കുന്നുണ്ട്. ജനങ്ങളെ പറഞ്ഞു മനസ്സിലാക്കിയതിനു ശേഷമാണ് പോസ്റ്റുമോർട്ടത്തിന് മൃതദേഹം അയച്ചത്.

Story Highlights: Villagers hanged drowned man upside down in a tree.