ന്യൂഡൽഹി: അഫ്ഗാനിസ്താനിൽ അകപ്പെട്ട ഇന്ത്യക്കാരെ ഒഴിപ്പിക്കുന്നതിനായി സഹായവുമായി നിരവധി രാജ്യങ്ങൾ. അഫ്ഗാനിസ്താനിൽ ജോലി ചെയ്യുന്ന ഇന്ത്യക്കാരെ ആറ് വിദേശ രാജ്യങ്ങളാണ് അവരുടെ രാജ്യത്തെ സ്ഥാപനങ്ങൾക്കു വേണ്ടി തിരിച്ചെത്തിക്കുക.
ഇന്ത്യക്കാരെ ഒഴിപ്പിക്കണമെന്ന കേന്ദ്ര സർക്കാരിന്റെ നടപടിനു പിന്തുണയുമായി അമേരിക്ക, ബ്രിട്ടൺ, ജർമ്മനി, ഫ്രാൻസ്, യു.എ.ഇ., ഖത്തർ തുടങ്ങിയ രാജ്യങ്ങളാണ് എത്തിയിരിക്കുന്നത്.
ആറുരാജ്യങ്ങളും അവർക്കായി ജോലി ചെയ്യുന്നവരെ കണ്ടെത്തിയ ശേഷം കാബൂൾ വിമാനത്താവളങ്ങളിൽ നിന്നും അതത് രാജ്യങ്ങളിലേക്ക് കൊണ്ടെത്തിക്കും. തുടർന്ന് ഇന്ത്യൻ വിദേശകാര്യമന്ത്രാലയത്തിന്റെ സഹായത്താൽ ഇവരെ ഡൽഹിയിലേക്ക് എത്തിക്കും.
എല്ലാ ഇന്ത്യക്കാരേയും കണ്ടെത്തി ആഗസ്റ്റ് 31ന് മുമ്പ് ഒഴിപ്പിക്കണമെന്ന കേന്ദ്രത്തിന്റെ നിലപാടിന് വിവിധ രാജ്യങ്ങളുടെ ഇടപെടൽ കൂടുതൽ സഹായകരമാകുന്നതാണ്.
Story highlight : Evacuation of Indian citizens from Afghanistan,Many countries with help to India.
