സുപ്രീം കോടതിക്ക് മുന്നിൽ ദമ്പതികൾ തീകൊളുത്തി ആത്മഹത്യയ്ക്ക് ശ്രമിച്ച സംഭവത്തിൽ യുവതിയുടെ ഭർത്താവ് മരിച്ചു. ഇന്ന് രാവിലെയാണ് മരണം സംഭവിച്ചത്.
ഇക്കഴിഞ്ഞ ഓഗസ്റ്റ് 16ന് സുപ്രീംകോടതിയുടെ പ്രധാന സമുച്ചയത്തിനു മുന്നിലെ റോഡിലെത്തി ഇരുവരും ആത്മഹത്യയ്ക്ക് ശ്രമിക്കുകയായിരുന്നു. സുപ്രീംകോടതിക്ക് മുന്നിലെത്തിയ ഇവർ മണ്ണെണ്ണ ദേഹത്തൊഴിച്ച് തീകൊളുത്തുകയായിരുന്നു.
ബിഎസ്പി എംപി അതുൽ റായി തന്നെ ബലാത്സംഗം ചെയ്തെന്ന് കാട്ടി യുവതി പോലീസിൽ പരാതിപ്പെട്ടിരുന്നു. പരാതിയിൽ നടപടിയെടുത്തില്ലെന്നും പോലീസ് എംപി സഹായിക്കുകയാണെന്നും യുവതി ആരോപിച്ചിരുന്നു. നടപടിയെടുക്കാത്തതിൽ പ്രതിഷേധിച്ചാണ് 27കാരനായ ഭർത്താവിനൊപ്പം തീകൊളുത്തി ആത്മഹത്യക്ക് ശ്രമിച്ചത്.
സമീപത്തുണ്ടായിരുന്ന പോലീസ് സംഘം ഉടൻ പുതപ്പു കൊണ്ട് തീ കെടുത്തി ആശുപത്രിയിലെത്തിച്ചിരുന്നു. എന്നാൽ ഗുരുതരമായി പരിക്കേറ്റ യുവതിയുടെ ഭർത്താവിന്റെ നില അഞ്ചു ദിവസത്തിനു ശേഷം വഷളാവുകയായിരുന്നു. തുടർന്ന് ഇന്ന് രാവിലെ മരണം സംഭവിച്ചു.
Story Highlights: Self immolation attempt of couples in front of supreme court.
