പാലക്കാട്: മണ്ണാർക്കാട് കാറിൽ കടത്താൻ ശ്രമിച്ച കഞ്ചാവും ഹാഷിഷ് ഓയിലുമായി യുവാക്കൾ പിടിയിൽ.190 കിലോ കഞ്ചാവും 300 ഗ്രാം ഹാഷിഷ് ഓയിലുമാണ് ഇവരിൽ നിന്നും പിടികൂടിയത്.
സംഭവത്തിൽ തച്ചനാട്ടുക്കര പാലോട് സ്വദേശികളായ ഷിബു, അബ്ദുൾ സലിം എന്നിവർക്കെതിരെ പോലീസ് കേസെടുത്തു.ആളൊഴിഞ്ഞ പറമ്പിൽ നിർത്തിയിട്ടിരുന്ന കാറിൽ നിന്നുമാണ് ലഹരി വസ്തുക്കൾ പിടികൂടിയത്.
കാറിനുള്ളിൽ ചെറിയ പാക്കറ്റുകളായാണ് 45 ലക്ഷം രൂപ വില വരുന്ന കഞ്ചാവ് സൂക്ഷിച്ചിരുന്നത്.കഞ്ചാവിനോടൊപ്പം പിടിച്ചെടുത്ത ഹാഷിഷ് ഓയിലിന് ഏകദേശം 20 ലക്ഷം രൂപ വിലവരുമെന്നും എക്സൈസ് സംഘം അറിയിച്ചു.
ലഹരി കടത്തുമായി ബന്ധപ്പെട്ട് ലഭിച്ച രഹസ്യ വിവരത്തെ തുടർന്ന് തൃശൂർ, മലപ്പുറം ഇന്റലിജൻസും മണ്ണാർക്കാട് സർക്കിൾ ആൻഡ് റെയ്ഞ്ച് പാർട്ടിയും ചേർന്ന് നടത്തിയ പരിശോധനയിലാണ് മണ്ണാർക്കാട് നിന്നും ഇത്രയധികം ലഹരിവസ്തുക്കൾ പിടികൂടിയത്.
Story highlight : 190 kg of cannabis and 300 g of hashish oil seized in Mannarkkad.
