ട്രാഫിക് പൊലീസ് ചമഞ്ഞ് വീഡിയോ ചിത്രീകരിച്ചു ; യുവാക്കൾ പിടിയിൽ.

റിയാദ്: അൽഖസീം പ്രവിശ്യയിലെ അൽറസ്‌ പട്ടണത്തിൽ ട്രാഫിക് പോലീസ് ചമഞ്ഞ് വീഡിയോ ചിത്രീകരിച്ച് സാമൂഹിക മാധ്യമങ്ങളിൽ പ്രചരിപ്പിച്ച രണ്ട് സൗദി യുവാക്കളെ പോലീസ് അറസ്റ്റ് ചെയ്തു.

യുവാക്കളിൽ ഒരാൾ ട്രാഫിക് പൊലീസ് ഉദ്യോഗസ്ഥനായി ചമയുകയും മറ്റൊരാൾ ഇതിന്റെ ദൃശ്യങ്ങൾ ചിത്രീകരിച്ച് സാമൂഹിക മാധ്യമങ്ങളിലൂടെ പങ്കുവയ്ക്കുകയുമായിരുന്നു.

വീഡിയോ ശ്രദ്ധയിൽപ്പെട്ടതോടെ പോലീസ് അന്വേഷണം നടത്തുകയും പ്രതികളെ തിരിച്ചറിഞ്ഞ് അറസ്റ്റ് ചെയ്യുകയുമായിരുന്നു.കേസ് പബ്ലിക് പ്രോസിക്യൂഷന് കൈമാറി.

Story highlight :  Youths arrested for impersonating police in Saudi Arabia.