എറണാകുളം ഇടപ്പള്ളി മരോട്ടിച്ചുവടിൽ യുവാവിനെ റോഡിൽ മരിച്ച നിലയിൽ കണ്ടെത്തി. ശരീരത്തിൽ പലയിടത്തായി മുറിവുകളുള്ളതിനാൽ കൊലപാതകമാണെന്നാണ് പ്രാഥമിക നിഗമനം. പുലർച്ചെയാണ് നടുറോഡിൽ യുവാവ് മരിച്ചു കിടക്കുന്നത് നാട്ടുകാർ കണ്ടെത്തിയത്. ഉടൻ തന്നെ പൊലീസിൽ വിവരമറിയിക്കുകയായിരുന്നു.
ഇടപ്പള്ളി കൂനന്ദൈ സ്വദേശി പ്രവീൺ ആണ് മരിച്ചതെന്ന് തിരിച്ചറിഞ്ഞു. ഏറെ നാളായി വീടുമായി വലിയ ബന്ധങ്ങൾ ഇല്ലായിരുന്നുവെന്ന് നാട്ടുകാർ പറഞ്ഞു. രാത്രിയിൽ നടന്ന അടിപിടിയിലോ മറ്റോ ഏറ്റ പരുക്കുകൾ ആവാം മരണകാരണമെന്നാണ് പ്രാഥമിക നിഗമനം.
സംഭവത്തിൽ പൊലീസ് അന്വേഷണം ആരംഭിച്ചു. പ്രദേശത്തെ സിസിടിവി ദൃശ്യങ്ങൾ കേന്ദ്രീകരിച്ച് പൊലീസ് അന്വേഷണം നടത്തുന്നുണ്ട്. വിദഗ്ദ്ധ പരിശോധന പൂർത്തിയായാൽ മാത്രമേ സംഭവത്തിൽ വ്യക്തത വരൂ എന്നാണ് പൊലീസ് നിലപാട്.
Story Highlights: Young man found dead on road in Ernakulam Edappally, suspected murder case under investigation
