Woman fakes death by killing beggar to live with lover in Gujarat

വിവാഹജീവിതത്തിൽ അസന്തുഷ്ടയായ യുവതി കാമുകനൊപ്പം ജീവിക്കാൻ ആത്മഹത്യ നാടകം നടത്തി ഒടുവിൽ അറസ്റ്റിലായ സംഭവം ഗുജറാത്തിലെ കച്ചിൽ നടന്നു. 27 വയസ്സുള്ള റാമി എന്ന യുവതിയാണ് ഈ ഞെട്ടിക്കുന്ന കൃത്യം നടത്തിയത്. താനാണ് മരിച്ചതെന്ന് ഭർത്താവിന്റെ കുടുംബത്തെ വിശ്വസിപ്പിക്കാൻ റോഡിൽ കണ്ട യാചകനെ തട്ടിക്കൊണ്ട് പോയി കൊലപ്പെടുത്തി മൃതദേഹം കത്തിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

യുവതി തന്റെ മൃതദേഹമെന്ന് തെറ്റിദ്ധരിപ്പിക്കാൻ മൊബൈൽ ഫോണും ചെരുപ്പും അടക്കം മൃതദേഹത്തിന് സമീപം ഉപേക്ഷിച്ചിരുന്നു. റാമിയുടെ കുടുംബം ഇത് വിശ്വസിച്ച് മൃതദേഹം സംസ്കരിക്കുകയും ചെയ്തു. എന്നാൽ കഴിഞ്ഞ ദിവസം റാമി വീട്ടിലെത്തി അച്ഛനെ കണ്ടതോടെയാണ് നാടകം പൊളിഞ്ഞത്.

വീട്ടിലെത്തി തെറ്റ് ഏറ്റുപറഞ്ഞ യുവതി പൊലീസിൽ കീഴടങ്ങാൻ വിസമ്മതിച്ചു. റാമിയുടെ അച്ഛനാണ് മകൾ മരിച്ചിട്ടില്ലെന്ന വിവരം പൊലീസിനെ അറിയിച്ചത്. തുടർന്ന് പൊലീസ് യുവതിക്കെതിരെ കേസെടുത്ത് അറസ്റ് രേഖപ്പെടുത്തി.

നാടകം നടത്താൻ ഒപ്പം നിന്ന യുവതിയുടെ കാമുകൻ അനിൽ ഗംഗാലിനേയും പൊലീസ് അറസ്റ് ചെയ്തു. ബന്ധുക്കളാരും തേടി വരില്ലെന്ന് ഉറപ്പുള്ള യാചകനെ കണ്ടെത്തി കൊലപ്പെടുത്തിയ ശേഷം മൃതദേഹം കത്തിക്കുകയായിരുന്നുവെന്ന് ഇരുവരും പൊലീസിന് മൊഴി നൽകി.

കൊച്ചിയുടെ മാതൃകയിൽ മുംബൈയിലും വാട്ടർ മെട്രോ; 2026ഓടെ സർവ്വീസ് ആരംഭിക്കും

Story Highlights: Woman fakes death by killing beggar to live with lover, arrested in Gujarat

കർണാടകയിൽ ബസിൽ യുവതിയെ കൂട്ടബലാത്സംഗം ചെയ്ത മൂന്ന് പേർ അറസ്റ്റിൽ