കൊച്ചി മെട്രോയ്‌ക്ക് സമീപം കാർ അപകടത്തിൽ യുവതി മരിച്ച സംഭവത്തില്‍ ദുരൂഹത. സംഭവ സമയം കാറിൽ യുവതിക്കൊപ്പമുണ്ടായിരുന്ന യുവാവിനെ അപകടത്തിന് ശേഷം കാണാതായതാണ് സംഭവത്തിൽ ദുരൂഹത ഉളവാക്കുന്നത്.
എടത്തല സ്വദേശിനി മന്‍ഫിയയാണ് അപകടത്തില്‍ കൊല്ലപ്പെട്ടത്.കാർ അപകടത്തിന് ശേഷം വാഹനമോടിച്ചിരുന്ന സല്‍മാന് പരിക്കേറ്റിരുന്നു.എന്നാൽ കാറിൽ യുവതിക്കൊപ്പമുണ്ടായിരുന്ന യുവാവിനെ അപകടത്തിന് ശേഷം കാണാതായി.
പോലീസ് അന്വേഷണത്തിൽ ഇയാളെ കുറിച്ച് വിവരങ്ങൾ ലഭിക്കാത്തതാണ് ദുരൂഹത വർധിപ്പിക്കുന്നത്.ഇയാള്‍ രക്ഷപെട്ടതാണോ, കാണാതായതിനു പിന്നില്‍ മറ്റെന്തെങ്കിലും കാരണമുണ്ടോ തുടങ്ങിയ കാര്യങ്ങൾ പോലീസ് അന്വേഷിച്ചു വരികയാണ്.
സംഭവത്തിൽ പരിക്കേറ്റ സല്‍മാന്റെ മൊഴികളിലും വ്യക്തതയില്ല.നിയന്ത്രണം നഷ്ടപ്പെട്ട വാഹനം കളമശ്ശേരിയില്‍ മെട്രോയ്‌ക്ക് കീഴിലുള്ള വിളക്ക് കാലില്‍ ഇടിച്ചു കയറുകയായിരുന്നു.
Story highlight : woman died in a road accident near Kochi Metro.
