അധ്യാപകന്റെ ആത്മഹത്യ: നടന്നത് ക്രൂരപീഡനമെന്ന് ഭാര്യ.

അധ്യാപകൻ ആൾക്കൂട്ട ആക്രമണത്തിൽ മനംനൊന്ത് ആത്മഹത്യ ചെയ്ത സംഭവത്തിൽ നടന്നത് ക്രൂരപീഡനമെന്ന വെളിപ്പെടുത്തലുമായി സുരേഷിന്റെ ഭാര്യ. മക്കൾ നോക്കിനിൽക്കെയാണ് സദാചാര ഗുണ്ടകൾ സുരേഷിനെ മർദ്ദിച്ചതെന്ന് ഭാര്യ പ്രജിത പറഞ്ഞു.

ഇതേതുടർന്ന് ഇദ്ദേഹം കടുത്ത മനോവിഷമത്തിലായിരുന്നെന്നും മരിച്ച സുരേഷിന്റെ ഭാര്യ പ്രജിത പറഞ്ഞു. സംഭവത്തെ തുടർന്ന്  അപമാനിക്കപ്പെട്ടതിൽ മനംനൊന്താണ് നാടക പ്രവർത്തകനും ചിത്രകാരനും അധ്യാപകനുമായ സുരേഷ് ആത്മഹത്യ ചെയ്തത്.

ഒരു സ്ത്രീയുമായി ചാറ്റ് ചെയ്തെന്ന് ചൂണ്ടിക്കാട്ടിയാണ് കഴിഞ്ഞ വെള്ളിയാഴ്ച സുരേഷിനെ ഒരു കൂട്ടം സദാചാര ഗുണ്ടകൾ ആക്രമിച്ചത്.

സംഭവത്തിൽ കണ്ടാലറിയാവുന്ന 15 പേർക്കെതിരെ പോലീസ് കേസെടുത്തിട്ടുണ്ട്. ആക്രമിച്ചവർ എല്ലാം പരിസരവാസികളാണെന്നാണ് പോലീസ് നൽകുന്ന വിവരം.

Story Highlights: wife’s statement about Suresh chaliyath’s suicide.