Wayanad Tiger: Public Cooperation Sought

പഞ്ചാരക്കൊല്ലിയിലെ നരഭോജി കടുവയെ പിടികൂടാനുള്ള ശ്രമങ്ങൾക്ക് ജനങ്ങളുടെ പൂർണ്ണ സഹകരണം ആവശ്യമാണെന്ന് ചീഫ് സെക്രട്ടറി ഡോ. ശാരദ മുരളീധരൻ ഊന്നിപ്പറഞ്ഞു. കടുവയെ പിടികൂടുക എന്നതാണ് പ്രഥമ ലക്ഷ്യമെന്നും ഇതിനായി കർഫ്യൂ കൂടുതൽ ശക്തമാക്കുമെന്നും അവർ വ്യക്തമാക്കി. പ്രദേശത്തെ മറ്റു പ്രശ്നങ്ങൾക്കും പരിഹാരം കാണുമെന്ന് ഡോ. ശാരദ മുരളീധരൻ ട്വന്റി ഫോറിനോട് പറഞ്ഞു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പഞ്ചാരക്കൊല്ലി, മേലേ ചിറക്കര, പിലാക്കാവ് മൂന്നു റോഡ് ഭാഗം, മണിയം കുന്ന് ഭാഗം എന്നിവിടങ്ങളിൽ നാളെ രാവിലെ 6 മുതൽ 48 മണിക്കൂർ കർഫ്യൂ ഏർപ്പെടുത്തിയിരിക്കുകയാണ്. നരഭോജി കടുവയെ പിടികൂടാനുള്ള ഈ നടപടിയുടെ ഭാഗമായി ജനങ്ങൾ പുറത്തിറങ്ങരുതെന്നും കടകൾ അടച്ചിടണമെന്നും നിർദേശം നൽകിയിട്ടുണ്ട്. പരീക്ഷകൾക്ക് പോകേണ്ട വിദ്യാർത്ഥികൾക്ക് വാഹന സൗകര്യം ഏർപ്പെടുത്തുമെന്നും ഇതിനായി കൗൺസിലർമാരെ ബന്ധപ്പെടണമെന്നും അധികൃതർ അറിയിച്ചു. വിവിധ വകുപ്പുകളെ ഏകോപിപ്പിച്ച് പ്രത്യേക സംഘത്തെ രൂപീകരിച്ചിട്ടുണ്ട്. സർക്കാർ ഈ വിഷയത്തിൽ ഗൗരവമായ നിലപാടാണ് സ്വീകരിച്ചിരിക്കുന്നതെന്നും അടിയന്തര ദൗത്യത്തിനായി 50 ലക്ഷം രൂപ അനുവദിച്ചിട്ടുണ്ടെന്നും ചീഫ് സെക്രട്ടറി വ്യക്തമാക്കി.

ഉണ്ണി മുകുന്ദനെതിരായ കേസിൽ വഴിത്തിരിവ്; മർദ്ദനത്തിന് തെളിവില്ലെന്ന് പൊലീസ്

പോലീസ് സംഘവും ഈ ദൗത്യത്തിൽ പങ്കാളികളാണ്. നരഭോജി കടുവയെ വെടിവെച്ചുകൊല്ലാൻ പത്ത് സംഘങ്ങളെയാണ് വയനാട്ടിൽ വിന്യസിച്ചിരിക്കുന്നത്. ഓരോ സംഘത്തിലും എട്ട് പേർ വീതം ഉണ്ടായിരിക്കും. പോലീസിലെ ഷാർപ്പ് ഷൂട്ടർമാരും സംഘത്തിലുണ്ടാകും. കടുവയെ നരഭോജി കടുവയായി പ്രഖ്യാപിച്ചുകൊണ്ട് സർക്കാർ ഉത്തരവിറക്കിയിട്ടുണ്ട്.

ഈ ഉത്തരവിന്റെ അടിസ്ഥാനത്തിൽ കടുവയെ വെടിവെച്ചുകൊല്ലാനാണ് തീരുമാനം. അനുയോജ്യമായ സ്ഥലത്ത് വെച്ച് കടുവയെ വെടിവെച്ചുകൊല്ലുമെന്നും കടുവയെ ഇനി മയക്കുവെടി വെക്കില്ലെന്നും വനം മന്ത്രി എ. കെ. ശശീന്ദ്രൻ വ്യക്തമാക്കി. പ്രദേശത്ത് ഒന്നാം തീയതിക്കകം കൂടുതൽ ക്യാമറകൾ സ്ഥാപിക്കുമെന്നും അദ്ദേഹം അറിയിച്ചു.