Wayanad auto driver murder: Two brothers in custody

വയനാട് ചുണ്ടേലിൽ നടന്ന ഓട്ടോ ഡ്രൈവറുടെ മരണം കൊലപാതകമാണെന്ന് പൊലീസ് സ്ഥിരീകരിച്ചു. ഥാർ ജീപ്പും ഓട്ടോറിക്ഷയും കൂട്ടിയിടിച്ച് ഓട്ടോ ഡ്രൈവർ നവാസ് മരിച്ച സംഭവത്തിൽ പുത്തൂർ വയൽ സ്വദേശികളായ സഹോദരങ്ങൾ സുമിൽഷാദും അജിനും കസ്റ്റഡിയിലാണ്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഇരുകൂട്ടരും തമ്മിലുള്ള വ്യക്തി വൈരാഗ്യമാണ് കൊലപാതകത്തിലേക്ക് നയിച്ചതെന്ന് പൊലീസ് നിഗമനം. ചുണ്ടേൽ എസ്റ്റേറ്റ് റോഡിൽ വച്ച് സുമിൽഷാദ് മനഃപൂർവ്വം നവാസിന്റെ ഓട്ടോറിക്ഷയിൽ ഇടിച്ചതായി കണ്ടെത്തി. നവാസിന്റെ യാത്രാവിവരങ്ങൾ സഹോദരൻ വഴി അറിഞ്ഞ പ്രതികൾ ആസൂത്രിതമായി കൊലപാതകം നടത്തിയതായി സിസിടിവി ദൃശ്യങ്ങളിൽ നിന്നും വ്യക്തമായി.

സംഭവത്തിന് പിന്നിലെ കാരണം അന്വേഷിച്ചപ്പോൾ, നവാസിന്റെ സ്റ്റേഷനറി കടയും സുൽഫിക്കറിന്റെ ഹോട്ടലും ചുണ്ടേൽ റോഡിന്റെ ഇരുവശത്തായി സ്ഥിതി ചെയ്യുന്നതുമായി ബന്ധപ്പെട്ട തർക്കമാണെന്ന് വ്യക്തമായി. ഈ വൈരാഗ്യത്തിന്റെ ഭാഗമായി നവാസ് സുൽഫിക്കറിന്റെ ഹോട്ടലിന് മുന്നിൽ കോഴിത്തല കൊണ്ടുവച്ചതിന്റെ സിസിടിവി ദൃശ്യങ്ങളും പുറത്തുവന്നിരുന്നു. ഇതാണ് കൊലപാതകത്തിലേക്ക് നയിച്ചതെന്ന് പൊലീസ് കരുതുന്നു.

ആദ്യം സാധാരണ അപകടമായി കണക്കാക്കിയ സംഭവം, നാട്ടുകാരുടെയും ബന്ധുക്കളുടെയും സംശയത്തെ തുടർന്ന് നടത്തിയ വിശദമായ അന്വേഷണത്തിലാണ് കൊലപാതകമെന്ന് തെളിഞ്ഞത്. പ്രതികൾക്കെതിരെ കൊലക്കുറ്റം ചുമത്തി അറസ്റ്റ് രേഖപ്പെടുത്താൻ പൊലീസ് നടപടികൾ സ്വീകരിച്ചു വരികയാണ്.

ഭാര്യയെ കൊലപ്പെടുത്തി സ്യൂട്ട്കേസിലാക്കി; ഭർത്താവ് ഒളിവിൽ പോയി പിന്നീട് പിടിയിൽ

Story Highlights: Auto driver’s death in Wayanad’s Chundel confirmed as murder, two brothers in custody

മയക്കുമരുന്ന് കാരിയറാകാൻ നിർബന്ധിച്ചു; യുവതിയുടെ പരാതിയിൽ കേസ്