പോക്കറ്റിലൊതുങ്ങുന്ന പ്രീമിയം ആൻഡ്രോയ്ഡ് ഫോൺ സ്വന്തമാക്കാൻ ആഗ്രഹിക്കുന്നവർക്ക് സന്തോഷ വാർത്തയാണ് വിവോ എക്സ് 200 പ്രോ സീരീസിന്റെ ഇന്ത്യൻ ലോഞ്ച്. കോസ്മോസ് ബ്ലാക്ക്, നാച്ചുറൽ ഗ്രീൻ, ടൈറ്റാനിയം ഗ്രേ എന്നീ നിറങ്ങളിൽ ഫോൺ ലഭ്യമാകുമെന്നാണ് ലീക്കായ വിവരം. 6.31 ഇഞ്ച് അമോലെഡ് ഡിസ്പ്ലേയും 90 വാട്ട് ഫാസ്റ്റ് ചാർജിങ് സപ്പോർട്ടുള്ള 5700 mAh ബാറ്ററിയുമാണ് ഫോണിന്റെ പ്രധാന സവിശേഷതകൾ.
ZEISS സൂപ്പർ ടെലി ഫോട്ടോ കാമറ, 50 എംപി സോണി LYT-818, 50 എംപി അൾട്രാ വൈഡ് ലെൻസുകൾ എന്നിവയാണ് കാമറ സെറ്റപ്പ്. മീഡിയടെക്കിന്റെ ഡൈമൻസിറ്റി 9400 പ്രോസസർ, IP69 + IP68 റേറ്റിങ്, 4K HDR വീഡിയോ റെക്കോർഡിങ്, 16 ജിബി വരെ റാം കപ്പാസിറ്റി, വിവോയുടെ ഏറ്റവും പുതിയ ഒറിജിൻ ഒഎസ് എന്നിവയും ഫോണിന്റെ മറ്റ് സവിശേഷതകളാണ്.
ചൈനയിൽ അവതരിപ്പിച്ച ഫോണിന്റെ 12/256 ജിബി വേർഷന് നിലവിൽ 55000 രൂപയാണ് വില. ഇന്ത്യൻ വിപണിയിൽ എത്തുമ്പോൾ വിലയിൽ മാറ്റമുണ്ടാകുമോ എന്നത് കണ്ടറിയേണ്ടതാണ്. പോക്കറ്റിലൊതുങ്ങുന്ന സൈസിൽ മികച്ച സവിശേഷതകളുള്ള ഈ ഫോൺ പ്രീമിയം സ്മാർട്ട്ഫോൺ വിപണിയിൽ ശ്രദ്ധേയമാകുമെന്ന് പ്രതീക്ഷിക്കാം.
Story Highlights: Vivo X200 Pro series to launch in India with premium features and affordable pricing
