Vidaamuyaarchi's New Song "Pathikichu" Released

അജിത് കുമാറിന്റെ ഏറ്റവും പുതിയ ചിത്രമായ വിടാമുയർച്ചിയിലെ പുതിയ ഗാനം പുറത്തിറങ്ങി. ‘പത്തിക്കിച്ച്’ എന്നു തുടങ്ങുന്ന ഈ ഗാനത്തിന് സംഗീതം നൽകിയിരിക്കുന്നത് അനിരുദ്ധ് രവിചന്ദറാണ്. ഫെബ്രുവരി ആറിന് തിയേറ്ററുകളിൽ എത്തുന്ന ഈ ചിത്രത്തിന്റെ ട്രെയിലറിന്റെ അവസാനഭാഗത്താണ് ഈ ഗാനം ഉൾപ്പെടുത്തിയിരിക്കുന്നത്. വിഷ്ണു എടവനാണ് ഗാനരചന നിർവഹിച്ചിരിക്കുന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഈ ആക്ഷൻ ത്രില്ലർ ചിത്രത്തിന്റെ സംവിധാനം മഗിഴ് തിരുമേനി ആണ്. ലൈക്ക പ്രൊഡക്ഷൻസാണ് ചിത്രത്തിന്റെ നിർമ്മാതാക്കൾ. യുഎ സർട്ടിഫിക്കറ്റോടെയാണ് ചിത്രം റിലീസ് ചെയ്യുന്നത്. ചിത്രത്തിന്റെ ഒടിടി റൈറ്റ്സിന് ഏകദേശം 75 കോടി രൂപ ലഭിച്ചതായാണ് റിപ്പോർട്ടുകൾ.

അജിത് കുമാറിനും തൃഷയ്ക്കും പുറമെ ആരവ്, റെജീന കസാൻഡ്ര, നിഖിൽ തുടങ്ങിയവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നുണ്ട്. ‘മങ്കാത്ത’ എന്ന ചിത്രത്തിന് ശേഷം അജിത്, അർജുൻ, തൃഷ എന്ന താരനിര വീണ്ടും ഒന്നിക്കുന്നു എന്ന പ്രത്യേകതയും ഈ ചിത്രത്തിനുണ്ട്. റാപ്പ് വരികൾ എഴുതിയിരിക്കുന്നത് അമോഗ് ബാലാജിയാണ്. അനിരുദ്ധ് രവിചന്ദറും യോഗി ശേഖറും ചേർന്നാണ് ഗാനം ആലപിച്ചിരിക്കുന്നത്.

ശബരിമല ട്രാക്ടർ യാത്ര: എഡിജിപിക്ക് വീഴ്ച പറ്റിയെന്ന് ഡിജിപി റിപ്പോർട്ട്

സിനിമയുടെ സാറ്റ്ലൈറ്റ് അവകാശം സൺ ടിവിയും ഒടിടി അവകാശം നെറ്റ്ഫ്ലിക്സും സ്വന്തമാക്കിയിരിക്കുന്നു. ആരാധകർ ഏറെ പ്രതീക്ഷയോടെ കാത്തിരിക്കുന്ന ചിത്രമാണ് വിടാമുയർച്ചി. ‘പത്തിക്കിച്ച്’ എന്ന ഗാനത്തിന് ഉണർവേകുന്ന ഒരു ഫാസ്റ്റ് നമ്പർ എന്ന പ്രത്യേകതയുണ്ട്. അജിത് ആരാധകർ ഈ ഗാനം സമൂഹമാധ്യമങ്ങളിൽ ഏഏറ്റെടുത്തിരിക്കുകയാണ്.