പ്രശസ്ത ഗായിക ജഗ്ജിത് കൗർ വിടവാങ്ങി.

പ്രശസ്ത ഹിന്ദി ചലചിത്ര ഗായികയും നിരവധി ബോളിവുഡ് ചിത്രങ്ങളിലെ അനശ്വര ഗാനങ്ങളും ആലപിച്ച ഗായിക ജഗ്ജിത് കൗർ വിടവാങ്ങി. മുംബൈയിൽ സ്വവസതിയിലായിരുന്നു അന്ത്യമെന്ന് വാർത്ത ഏജൻസിയായ എഎൻഐ റിപ്പോർട്ട് ചെയ്തു.

ബാസാർ എന്ന ഹിന്ദി ചിത്രത്തിലെ ‘ദേഖ് ലോ ആജ് ഹം കോ’ എന്ന ഗാനവും
ഷോല ഓർ ഷബ്നം എന്ന ചിത്രത്തിലെ ‘പെഹ്‌ലെ തോ ആംഘ് മിൽനാ’ എന്ന ഗാനവും ഏറെ ജനപ്രീതി നേടിയിരുന്നു.

1950-ലാണ് ജഗ്ജിത് കൗർ തന്റെ സംഗീത കരിയർ ആരംഭിച്ചത്. 1954ൽ ഹിന്ദുസ്ഥാനി ഈണങ്ങളിലൂടെ ശ്രദ്ധേയനായ സംഗീത സംവിധായകൻ മുഹമ്മദ് സഹൂർ ഖയ്യാമിനെ വിവാഹം കഴിച്ചു. 2019 ഓഗസ്റ്റിൽ ഖയാം ലോകത്തോട് വിട പറഞ്ഞിരുന്നു.

Story Highlights: Veteran singer Jagjit Kaur passed away