വെജിറ്റേറിയൻ ഭക്ഷണക്രമം പിന്തുടരുന്നവരുടെ കാൻസർ സാധ്യത കുറവാണെന്ന് പുതിയ പഠനം. മാംസാഹാരം കഴിക്കുന്നവരെ അപേക്ഷിച്ച് സസ്യാഹാരികളായ സ്ത്രീകൾക്ക് ആർത്തവവിരാമത്തിനു ശേഷമുള്ള സ്തനാർബുദ സാധ്യത 18 ശതമാനം കുറവാണെന്നും പഠനം പറയുന്നു. കൂടാതെ, പതിവ് മാംസാഹാരം കഴിക്കുന്നവരെ അപേക്ഷിച്ച് പെസ്കാറ്റേറിയൻമാർക്കും സസ്യാഹാരികൾക്കും പ്രോസ്റ്റേറ്റ് കാൻസർ വരാനുള്ള സാധ്യത കുറവാണെന്നും കണ്ടെത്തലുണ്ട്. വേൾഡ് ക്യാൻസർ റിസർച്ച് ഫണ്ട്, കാൻസർ റിസർച്ച് യുകെ, ഓക്സ്ഫോർഡ് പോപ്പുലേഷൻ ഹെൽത്ത് എന്നിവ സംയുക്തമായി നടത്തിയ പഠനത്തിലാണ് ഈ കണ്ടെത്തലുകൾ.
മുളുണ്ടിലെ ഫോർട്ടിസ് ഹോസ്പിറ്റലിലെ സീനിയർ ന്യൂട്രീഷ്യൻ തെറാപ്പിസ്റ്റായ മിനൽ ഷായുടെ അഭിപ്രായത്തിൽ വെജിറ്റേറിയൻ ഡയറ്റ് ആരോഗ്യകരമായ ഭക്ഷണമാണ്. ഇത് എൽഡിഎൽ കൊളസ്ട്രോൾ നിലയും രക്തസമ്മർദ്ദവും കുറയ്ക്കാൻ സഹായിക്കുന്നു. രക്താതിമർദ്ദം, അമിതവണ്ണം, ടൈപ്പ്-2 പ്രമേഹം എന്നിവയുൾപ്പെടെയുള്ള ഉപാപചയ രോഗങ്ങളുടെ പ്രശ്നങ്ങൾ കുറയ്ക്കുകയും ഇസ്കിമിക് ഹൃദ്രോഗത്തിൽ നിന്നുള്ള മരണ സാധ്യത കുറയ്ക്കുകയും ചെയ്യുമെന്നും അവർ പറയുന്നു.
യുകെ ബയോബാങ്കിലെ 450,000-ത്തിലധികം ആളുകളുടെ ഡയറ്റ് ഗ്രൂപ്പുകൾ വിശകലനം ചെയ്താണ് ഗവേഷണം നടത്തിയത്. ബിഎംസി മെഡിസിനിൽ ഈ പഠനം പ്രസിദ്ധീകരിച്ചിട്ടുണ്ട്. പഠനത്തിൽ പങ്കെടുത്തവരെ മാംസത്തിന്റെയും മത്സ്യത്തിന്റെയും ഉപഭോഗത്തിന്റെ തോത് അനുസരിച്ച് തരംതിരിച്ചു.
പതിവായി മാംസം കഴിക്കുന്നവരെയും, ആഴ്ചയിൽ അഞ്ച് തവണയിൽ കുറവോ തുല്യമോ മാംസാഹാരം കഴിക്കുന്നവരെയും പഠനത്തിൽ ഉൾപ്പെടുത്തി. ഇതിൽ സംസ്കരിച്ച മാംസം, ചുവന്ന മാംസം, കോഴിയിറച്ചി എന്നിവ ആഴ്ചയിൽ അഞ്ച് തവണയിൽ കൂടുതൽ കഴിക്കുന്നവരെ സ്ഥിരമായി മാംസം ഭക്ഷിക്കുന്നവരുടെ കൂട്ടത്തിൽ ഉൾപ്പെടുത്തി. മാംസം കഴിക്കാത്തവരും എന്നാൽ മത്സ്യം കഴിക്കുന്നവരുമായ ആളുകളെയും, മാംസവും മത്സ്യവും ഒരിക്കലും കഴിക്കാത്ത സസ്യാഹാരികളെയും പഠനത്തിൽ വിശകലനം ചെയ്തു.
സാധാരണ മാംസാഹാരം കഴിക്കുന്നവരുമായി താരതമ്യപ്പെടുത്തുമ്പോൾ സസ്യാഹാരികളിൽ കാൻസർ സാധ്യത കുറവാണെന്ന് പഠനം പറയുന്നു. ഏതെങ്കിലും തരത്തിലുള്ള കാൻസർ വരാനുള്ള സാധ്യത കുറഞ്ഞ അളവിൽ മാത്രം മാംസാഹാരം കഴിക്കുന്നവരിൽ 2% കുറവാണ്. പെസ്കാറ്റേറിയൻമാരിൽ (മൽസ്യം മാത്രം കഴിക്കുന്നവർ) 10 ശതമാനവും, സസ്യാഹാരികളിൽ 14 ശതമാനവും കാൻസർ സാധ്യത കുറവാണെന്ന് പഠനം പറയുന്നു.
മാംസാഹാരം കഴിക്കുന്നവരെ അപേക്ഷിച്ച് സസ്യാഹാരികളായ സ്ത്രീകൾക്ക് ആർത്തവവിരാമത്തിനു ശേഷമുള്ള സ്തനാർബുദ സാധ്യത 18 ശതമാനം കുറവാണ്. ഇത് സസ്യാഹാരികളായ സ്ത്രീകളിൽ കാണപ്പെടുന്ന ബോഡി മാസ് സൂചിക കുറവായതിനാലാകാം. അതുപോലെ പതിവ് മാംസാഹാരം കഴിക്കുന്നവരെ അപേക്ഷിച്ച് പെസ്കാറ്റേറിയൻമാർക്കും സസ്യാഹാരികൾക്കും പ്രോസ്റ്റേറ്റ് കാൻസർ വരാനുള്ള സാധ്യത കുറവാണ് (യഥാക്രമം 20 ശതമാനവും 31 ശതമാനവും).
കൊൽക്കത്തയിലെ HCG EKO കാൻസർ സെന്ററിലെ റേഡിയേഷൻ ഓങ്കോളജിയിലെ ഹോഡിയും സീനിയർ കൺസൾട്ടന്റുമായ ഡോ. അയാൻ ബസു ഈ പഠനത്തെക്കുറിച്ച് പ്രതികരിച്ചത് ഇങ്ങനെ: സസ്യാഹാരം പിന്തുടരുന്നത് വൻകുടൽ അല്ലെങ്കിൽ മറ്റ് ഗ്യാസ്ട്രോ പ്രശ്നങ്ങളുടെ തോത് ഗണ്യമായി കുറയ്ക്കും. കൂടാതെ കുടൽ കാൻസറും, മൊത്തത്തിലുള്ള കാൻസർ സംഭവങ്ങളും കുറയ്ക്കാൻ ഇത് സഹായിക്കുമെന്നും അദ്ദേഹം കൂട്ടിച്ചേർത്തു. സസ്യാഹാരം കഴിക്കുന്നവർക്ക് വൻകുടൽ കാൻസർ വരാനുള്ള സാധ്യത നോൺ-വെജിറ്റേറിയൻമാരേക്കാൾ 22 ശതമാനം കുറവാണെന്നും അദ്ദേഹം അഭിപ്രായപ്പെട്ടു.
Story Highlights: പുതിയ പഠനത്തിൽ, സസ്യാഹാരികൾക്ക് കാൻസർ സാധ്യത കുറവാണെന്ന് കണ്ടെത്തൽ
പതിവായി കോഴിയിറച്ചി കഴിക്കുന്നവരിൽ ദഹനവ്യവസ്ഥയെ ബാധിക്കുന്ന അർബുദം മൂലമുള്ള അകാലമരണ സാധ്യത കൂടുതലാണെന്ന് Read more
ലോകാരോഗ്യ സംഘടനയുടെ പുതിയ റിപ്പോർട്ട് പുകവലിക്ക് പുറമേ മദ്യപാനവും ക്യാൻസറിന് കാരണമാകുമെന്ന് വ്യക്തമാക്കുന്നു. Read more
ഹെയർ ഡൈകളും സ്ട്രെയിറ്റനറുകളും കാൻസർ സാധ്യത വർധിപ്പിക്കുന്നതായി പുതിയ പഠനം കണ്ടെത്തി. 46,709 Read more
യുഎസിലെ മൂന്നിലൊന്ന് ജനങ്ങള് മാരകമായ രാസവസ്തു കലര്ന്ന ജലം ഉപയോഗിക്കുന്നതായി പഠനം വെളിപ്പെടുത്തുന്നു. Read more
കർണാടകയിലെ ബേക്കറികളിൽ തയ്യാറാക്കുന്ന കേക്കുകളിൽ ക്യാൻസറിന് കാരണമാകുന്ന ചേരുവകൾ കണ്ടെത്തി. റെഡ് വെൽവെറ്റ്, Read more
വെജിറ്റേറിയൻ ആഹാരത്തിൽ പ്രോട്ടീൻ ലഭിക്കാൻ പല മാർഗങ്ങളുണ്ട്. പയർ വർഗങ്ങൾ, നട്സ്, ഓട്സ്, Read more
