Rapper Vedan Arrested in Kochi Drug Case, FIR Filed

കൊച്ചിയിൽ റാപ്പർ വേടനും സംഘവും കഞ്ചാവ് കേസിൽ അറസ്റ്റിലായ സംഭവത്തിൽ പുതിയ വിവരങ്ങൾ പുറത്ത്. ലഹരിമരുന്ന് ഉപയോഗവും ഗൂഢാലോചനയും ചുമത്തി പോലീസ് എഫ്ഐആർ രജിസ്റ്റർ ചെയ്തു. തീൻ മേശയ്ക്ക് ചുറ്റും ഇരുന്ന് കഞ്ചാവ് വലിക്കുന്നതിനിടെയാണ് വേടനെയും സംഘത്തെയും പിടികൂടിയതെന്ന് എഫ്ഐആറിൽ പറയുന്നു. ഫ്ലാറ്റിലെ ഹാൾ നിറയെ പുകയും രൂക്ഷഗന്ധവുമായിരുന്നുവെന്നും എഫ്ഐആർ വ്യക്തമാക്കുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കഞ്ചാവ് വിൽപ്പനയ്ക്കായി കൈവശം വച്ചിരുന്നതായും എഫ്ഐആറിൽ സൂചനയുണ്ട്. കൈരളി ന്യൂസിനാണ് എഫ്ഐആറിന്റെ പകർപ്പ് ലഭിച്ചത്. വേടനെതിരെ ലഹരിമരുന്ന് ഉപയോഗം, ഗൂഢാലോചന തുടങ്ങിയ വകുപ്പുകൾ ചുമത്തിയിട്ടുണ്ട്. ഹിൽപാലസ് പോലീസ് അറസ്റ്റ് ചെയ്ത ഒൻപത് പേർക്കും സ്റ്റേഷൻ ജാമ്യം അനുവദിച്ചു.

പുലിപ്പല്ല് ലോക്കറ്റായി ഉപയോഗിച്ച കേസിൽ വേടനെ പെരുമ്പാവൂർ കോടതിയിൽ ഹാജരാക്കി. ഹിരൺദാസ് മുരളി എന്ന വേടനെ ജാമ്യമില്ലാ വകുപ്പ് പ്രകാരമാണ് അറസ്റ്റ് ചെയ്തത്. അനധികൃതമായി പുലിപ്പല്ല് കൈവശം വെച്ചു, മൃഗവേട്ട തുടങ്ങിയ കുറ്റങ്ങൾ വനംവകുപ്പ് ചുമത്തിയിട്ടുണ്ട്.

ഹിൽപാലസ് പോലീസിൽ നിന്നും കസ്റ്റഡിയിൽ വാങ്ങിയ വേടനെ വനംവകുപ്പ് ഉദ്യോഗസ്ഥർ കോടനാട് ഫോറസ്റ്റ് ഓഫീസിലേക്ക് കൊണ്ടുപോയി. കഞ്ചാവ് കേസിൽ അറസ്റ്റിലായ ഒമ്പത് പേർക്കും സ്റ്റേഷൻ ജാമ്യം ലഭിച്ചു. കേസിൽ കൂടുതൽ അന്വേഷണം നടക്കുന്നുണ്ട്. വേടനെതിരെ ഗുരുതരമായ കുറ്റങ്ങളാണ് ചുമത്തിയിരിക്കുന്നത്.

തസ്ലീമയുടെ ഫോണിലെ ചാറ്റുകൾ പുറത്ത്; ശ്രീനാഥ് ഭാസിയുമായി കഞ്ചാവ് ഇടപാട്?

Story Highlights: Rapper Vedan, along with eight others, was arrested in Kochi for possessing and consuming cannabis, with police filing an FIR citing drug use and conspiracy.

കോഴിക്കോട്: ലഹരിക്കേസ് പ്രതി പൊലീസുകാരെ കുത്തി പരുക്കേൽപ്പിച്ചു