Major Theft in Vadakkanchery: 45 Sovereigns of Gold Stolen

പാലക്കാട്◾: വടക്കഞ്ചേരിയിൽ വ്യാഴാഴ്ച രാത്രി വൻ മോഷണം നടന്നതായി പോലീസ് അറിയിച്ചു. പന്നിയങ്കര ശങ്കരൻ കണ്ണൻ തോട് പ്രസാദിന്റെ വീട്ടിൽ നിന്നും 45 പവൻ സ്വർണം കവർന്നു. വീട്ടുകാർ ഉറങ്ങിക്കിടക്കുമ്പോഴാണ് മോഷണം നടന്നത്. സമീപവാസിയായ ജോസഫിൻ്റെ വീട്ടിലും മോഷണശ്രമം നടന്നിട്ടുണ്ടെന്ന് പോലീസ് സ്ഥിരീകരിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

വീടിന്റെ മുകളിലത്തെ നിലയിൽ ലോക്കറിൽ സൂക്ഷിച്ചിരുന്ന സ്വർണാഭരണങ്ങളാണ് നഷ്ടമായത്. സമീപത്തെ വീട്ടിലെ സിസിടിവി ക്യാമറ തകർത്ത നിലയിൽ കണ്ടെത്തിയതിനെ തുടർന്ന് നടത്തിയ അന്വേഷണത്തിലാണ് മോഷണ വിവരം വെളിവായത്. മോഷ്ടാവ് തലയിൽ മുണ്ടിട്ട് നടക്കുന്നതിന്റെ സിസിടിവി ദൃശ്യങ്ങൾ പോലീസിന് ലഭിച്ചിട്ടുണ്ട്.

ചാർട്ടേഡ് അക്കൗണ്ടന്റായ പ്രസാദും കുടുംബവും വീട്ടിൽ ഉണ്ടായിരുന്ന സമയത്താണ് മോഷണം നടന്നത്. വെള്ളിയാഴ്ചയാണ് മോഷണ വിവരം പുറംലോകമറിഞ്ഞത്. ദേശീയപാതയോരത്തെ ചുവട്ടുപാടം എന്ന സ്ഥലത്താണ് പ്രസാദിന്റെ വീട്.

മോഷണവുമായി ബന്ധപ്പെട്ട് വിരലടയാള വിദഗ്ധരും, ഫോറൻസിക് വിഭാഗവും, പോലീസ് നായയും സ്ഥലത്ത് പരിശോധന നടത്തി. വടക്കഞ്ചേരി പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്. കൂടുതൽ വിവരങ്ങൾ ലഭ്യമായിട്ടില്ല.

വർക്ക് ഫ്രം ഹോം ജോലി വാഗ്ദാനം ചെയ്ത് തട്ടിപ്പ്; മഹാരാഷ്ട്രക്കാരിയായ മുപ്പത്തിയേഴുകാരിയ്ക്ക് നഷ്ടമായത് 15.14 ലക്ഷം

Story Highlights: 45 sovereigns of gold were stolen from a house in Vadakkanchery, Palakkad, while the family was asleep.

കേരളത്തിൽ നാല് ജില്ലകളിൽ യെല്ലോ അലർട്ട്