പാലക്കാട് : അട്ടപ്പാടിയിൽനിന്നു പ്രസവത്തിനായി തൃശൂർ മെഡിക്കൽ കോളജ് ആശുപത്രിയിൽ പ്രവേശിപ്പിച്ച ആദിവാസി യുവതിയും നവജാത ശിശുവും മരിച്ചു.
അഗളി കൊറവൻകണ്ടി ഊരിലെ തുളസി ബാലകൃഷ്ണൻ (23) എന്ന യുവതിയാണ് ഇന്ന് രാവിലെ 7മണിക്ക് മരിച്ചത്.
ഇവരുടെ നവജാതശിശു കഴിഞ്ഞ ദിവസം പ്രസവത്തോടെ മരണപ്പെട്ടിരുന്നു.യുവതി സിക്കിൾ സെൽ അനീമിയ ബാധിതിയായിരുന്നു.
പ്രസവവേദനയുമായി 20ആം തീയതി കോട്ടത്തറ ഗവ. ട്രൈബൽ സ്പെഷാലിറ്റി ആശുപത്രിയിൽ പ്രവേശിപ്പിച്ച യുവതിയെ ശ്വാസതടസ്സം മൂലം ഇന്നലെ രാവിലെ തൃശൂർ മെഡിക്കൽ കോളജിലേക്ക് അയയ്ക്കുകയായിരുന്നു.
ഉച്ചയോടെ ആശുപത്രിയിൽ എത്തിയ യുവതിയുടെ കുഞ്ഞിനെ ഉടൻ പുറത്തെടുത്തെങ്കിലും കുഞ്ഞ് മരണപ്പെടുകയായിരുന്നു.
2 കിലോഗ്രാം ഭാരമുള്ള ആൺകുഞ്ഞായിരുന്നു മരണപ്പെട്ടത്.പ്രസവത്തോടെ അബോധാവസ്ഥയിലായ യുവതി തീവ്രപരിചരണത്തിൽ ചികിത്സയിലായിരുന്നു.
യുവതി സിക്കിൾ സെൽ അനീമിയ ബാധിച്ച യുവതി ഗർഭിണിയായതിനെ തുടർന്ന് ഇതിനുള്ള മരുന്നുകൾ കഴിക്കുന്നത് നിർത്തിയിരുന്നു.
Story highlight : Tribal woman and newborn baby died at thrissur medical college
