മുന്‍ മുഖ്യമന്ത്രി വിഎസ് അച്യുതാനന്ദന് ഇന്ന് 98 ആം പിറന്നാൾ.
കോവിഡ് വ്യാപനവും പ്രായാധിക്യവും കാരണം പൊതു രാഷ്ട്രീയ രംഗത്ത് വര്‍ഷങ്ങളായി സജീവമല്ലാത്ത വിഎസ് തിരുവനന്തപുരത്തെ ‘വേലിക്കകത്ത്’ വീട്ടില്‍ രണ്ട് വര്‍ഷമായി വിശ്രമ ജീവിതം നയിക്കുകയാണ്.
2019 ഒക്ടോബറില്‍ പുന്നപ്ര വയലാര്‍ രക്തസാക്ഷിത്വ ദിനാചരണത്തിന് ശേഷം തിരുവനന്തപുരത്ത് മടങ്ങിയെത്തിയ വിഎസ് ആശുപത്രിയില്‍ പ്രവേശിക്കുകയായിരുന്നു.
തുടർന്ന് ഇദ്ദേഹത്തിന് പൂര്‍ണ്ണ വിശ്രമം ആവശ്യമാണെന്ന് ഡോക്ടര്‍മാര്‍ നിര്‍ദേശിച്ചു.
ഇതിനു പിന്നാലെ കഴിഞ്ഞ എല്‍ഡിഎഫ് ഗവണ്‍മെന്‍റിന്‍റെ കാലത്ത് ഭരണപരിഷ്കാര കമ്മീഷന്‍ അധ്യക്ഷനായിരുന്ന വിഎസ് 2021 ജനുവരിയില്‍ സ്ഥാനമൊഴിയുകയുമായിരുന്നു.
പക്ഷാഘാതമുണ്ടായതിനെ തുടർന്ന് അദ്ദേഹത്തിനു എഴുന്നേറ്റുനടക്കാൻ മറ്റൊരാളുടെ സഹായം ആവശ്യമാണ്.
വീട്ടിനകത്ത് ഇപ്പോഴും വീല്‍ചെയറിൽ തന്നെയാണ് വിഎസ്.പത്രവായനയിലും , ടെലിവിഷന്‍ വാര്‍ത്തകള്‍ വീക്ഷിക്കുന്നതിലും അദ്ദേഹം വീഴ്ചവരുത്തിയിട്ടില്ല.
ലളിതമായ ചടങ്ങുകളോടെ കുടുംബത്തോടൊപ്പം വിഎസ് പിറന്നാള്‍ ആഘോഷിക്കും.
Story highlight : Today is VS Achuthanandan’s birthday.
