തൃശ്ശൂര്‍ ബാങ്ക് എടിഎം കവര്‍ച്ച കേസിലെ പ്രതികളുടെ അറസ്റ്റ് കേരള പൊലീസ് രേഖപ്പെടുത്തി. ഏഴ് പ്രതികളില്‍ ഒരാളെ പൊലീസ് ഏറ്റുമുട്ടലില്‍ വെടിവെച്ചു കൊന്നു. മറ്റൊരാള്‍ക്ക് പൊലീസിന്റെ വെടിയേറ്റ് ഒരു കാല്‍ മുറിച്ചു മാറ്റി. ഹരിയാന സ്വദേശികളായ അഞ്ചു പ്രതികളെ മെഡിക്കല്‍ പരിശോധനയ്ക്കായി തൃശ്ശൂര്‍ ജില്ലാ ആശുപത്രിയില്‍ കൊണ്ടുവരും.
പ്രതികളുമായി പൊലീസ് സംഘം തമിഴ്‌നാട്ടിലെ നാമക്കല്ലില്‍ നിന്നും തൃശൂരിലേക്ക് പുറപ്പെട്ടു. ഇന്ന് വൈകിട്ടോടെ പ്രതികളെ കോടതിയില്‍ ഹാജരാക്കി കസ്റ്റഡിയില്‍ വാങ്ങാനാണ് പൊലീസ് നീക്കം. നാളെ പ്രതികളുമായി തെളിവെടുപ്പ് നടത്തുമെന്നും പൊലീസ് അറിയിച്ചു.
ഇര്‍ഫാന്‍, സൊഖീന്‍ ഖാന്‍, മുഹമ്മദ് കുക്രം, ഷബീര്‍, മുബാരിക്ക് എന്നിവരടക്കം ഏഴ് പ്രതികളാണ് കേസിലുള്ളത്. ഈ കേസിന്റെ അന്വേഷണം പുരോഗമിക്കുകയാണ്. പ്രതികളെ കുറിച്ചുള്ള കൂടുതല്‍ വിവരങ്ങള്‍ പൊലീസ് പുറത്തുവിട്ടിട്ടില്ല.
Story Highlights: Kerala Police arrest suspects in Thrissur bank ATM robbery case, with one killed in encounter and another injured
