തിരുവനന്തപുരം : സ്ഥാപനത്തിനു മുന്നിൽ മദ്യപിച്ചെത്തി ബഹളമുണ്ടാക്കിയത് ചോദ്യം ചെയ്ത സുരക്ഷാ ജീവനക്കാരന് ക്രൂരമർദനം.
തിരുവനന്തപുരം പോത്തൻകോട് താഴേമുക്കിൽ പ്രവർത്തിക്കുന്ന വീട്ടുപകരണങ്ങൾ വിൽക്കുന്ന സ്ഥാപനത്തിലെ സുരക്ഷാ ജീവനക്കാരനായ ഷംനാദിനെയാണ് മൂന്നംഗ സംഘം ആക്രമിച്ചത്.
ഞായറാഴ്ച രാത്രി പതിനൊന്നരയോടെയായിരുന്നു സംഭവം.
സംഭവത്തിൽ പാങ്ങപ്പാറ സ്വദേശികളായ വിഷ്ണു (26), സമർഥ് രാജ്(22), വിനു മോഹൻ (26) തുടങ്ങിയവരെ പോലീസ് അറസ്റ്റ് ചെയ്തു.
ഗുരുതരാവസ്ഥയിലായ ഷംനാദിനെ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചിരിക്കയാണ്.
മർദനത്തിൽ ഷംനാദിന്റെ വലതുകാലിന് പൊട്ടലും നട്ടെല്ലിന് ക്ഷതവും സംഭവിച്ചിട്ടുണ്ട്.
സംഭവസ്ഥലത്തുവെച്ചുതന്നെ അക്രമികളെ പോത്തൻകോട് പോലീസ് പിടികൂടുകയായിരുന്നു.
അറസ്റ്റിലായവർ നിരവധി കേസുകളിലെ പ്രതികളാണെന്നാണ് വിവരം.കോടതിയിൽ ഹാജരാക്കി പ്രതികളെ റിമാൻഡു ചെയ്തു.
Story highlight : Three member gang arrested for attacking security staff
