Nivin Pauly sexual assault case: Investigation reveals discrepancies

കൊച്ചി: നടൻ നിവിൻ പോളിക്കെതിരായ പീഡനക്കേസിൽ അന്വേഷണ സംഘം പ്രാഥമിക അന്വേഷണത്തിൽ തന്നെ പൊരുത്തക്കേടുകൾ കണ്ടെത്തിയിരിക്കുകയാണ്. നേര്യമംഗലം സ്വദേശിയായ യുവതി നാല് മാസം മുമ്പ് ഊന്നുകൽ പൊലീസിൽ പരാതി നൽകിയിരുന്നു. വിദേശത്ത് വെച്ച് തന്നെ ഒരു കൂട്ടം ആളുകൾ കൂട്ടമായി മർദ്ദിച്ചെന്നായിരുന്നു ആദ്യ പരാതി. എന്നാൽ, പൊലീസ് പ്രാഥമിക വിവരശേഖരണം നടത്തിയെങ്കിലും അന്വേഷണവുമായി മുന്നോട്ട് പോകാനോ ആശുപത്രി രേഖകൾ ഹാജരാക്കാനോ യുവതിക്ക് കഴിഞ്ഞിരുന്നില്ല.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പിന്നീട് യുവതി ഇ-മെയിൽ വഴി പ്രത്യേക അന്വേഷണ സംഘത്തിന് പരാതി നൽകി. അഭിനയിക്കാൻ അവസരം വാഗ്ദാനം ചെയ്ത് പീഡിപ്പിച്ചുവെന്നാണ് യുവതിയുടെ രണ്ടാമത്തെ പരാതി. കഴിഞ്ഞ നവംബറിൽ ദുബായിലെ ഹോട്ടലിൽ വച്ചാണു പീഡനം നടന്നതെന്നാണ് ആരോപണം. നിവിൻ പോളിയടക്കം ആറുപേരാണ് പ്രതികൾ.

ബലാത്സംഗം, സ്ത്രീത്വത്തെ അപമാനിക്കൽ, കൂട്ടബലാത്സംഗം എന്നീ ഗുരുതര വകുപ്പുകളാണ് ചുമത്തിയിരിക്കുന്നത്. യുവതിയുടെ ആദ്യ പരാതിയിലും രണ്ടാമത്തെ പരാതിയിലും വ്യത്യാസങ്ങൾ ഉണ്ടെന്നത് അന്വേഷണ സംഘത്തിന്റെ ശ്രദ്ധയിൽപ്പെട്ടിട്ടുണ്ട്. ഈ പൊരുത്തക്കേടുകൾ കേസിന്റെ നിജസ്ഥിതി മനസ്സിലാക്കുന്നതിന് പ്രധാനപ്പെട്ടതാണെന്ന് അധികൃതർ വ്യക്തമാക്കി.