പെരുന്നാളിനോടനുബന്ധിച്ച് കേരളത്തിൽ ഇന്ന് കൂടുതൽ ഇളവുകൾ. ആവശ്യ വസ്തുക്കൾ വിൽക്കുന്ന കടകൾ കൂടാതെ മറ്റു വ്യാപാര സ്ഥാപനങ്ങൾക്കും പ്രവർത്തനാനുമതി നൽകിയിട്ടുണ്ട്.
വാരാന്ത്യ ലോക്ക് ഡൗണിലും ഇളവുകൾ ഉണ്ട്. 18, 19, 20 എന്നീ ദിവസങ്ങളിൽ അവശ്യ വസ്തുക്കൾ വിൽക്കുന്ന കടകൾ കൂടാതെ ചെരുപ്പുകട തുണിക്കട, ഫാൻസി, സ്വർണ്ണക്കട, ഇലക്ട്രോണിക് ഷോപ്പ് എന്നിവയ്ക്ക് പ്രവർത്തനാനുമതി ഉണ്ട്.
എ, ബി, സി കാറ്റഗറിയിൽ പെടുന്ന സ്ഥാപനങ്ങൾക്ക് രാത്രി 8വരെ തുറക്കാം. ഡി കാറ്റഗറിയിലുള്ളവർക്ക് നാളെ ഒരു ദിവസം പ്രവർത്തന അനുമതി നൽകിയിട്ടുണ്ട്.
എ, ബി വിഭാഗത്തിൽപ്പെടുന്നവർക്ക്‌ നാളെ മുതൽ കൂടുതൽ ഇളവുകൾ ഉണ്ട്. ഇലക്ട്രോണിക് ഷോപ്പുകളും ഇലക്ട്രോണിക് റിപ്പയർ ഷോപ്പുകളും വീട്ടുപകരണങ്ങൾ വിൽക്കുന്ന കടകളും തിങ്കൾ മുതൽ വെള്ളി വരെ രാത്രി 8 മണിവരെ പ്രവർത്തിക്കും. എന്നാൽ സർക്കാർ ഉത്തരവ് വ്യക്തമല്ലാത്തതിനാൽ ഇന്ന് മദ്യശാലകൾ തുറക്കില്ല.
Story Highlights: There is no lock down in Kerala today due to Eid. More concessions in the state.
