അടച്ചിട്ട വീട്ടില് നിന്നും നാല് പവന് സ്വര്ണവും, നാല്പതിനായിരം രൂപയും കവർന്നു ; അന്വേഷണം ആരംഭിച്ചു.

തൃശ്ശൂർ എടമുട്ടം അമ്പലത്ത് വീട്ടില് ശിഹാബുദ്ധീന്റെ അടച്ചിട്ട ഇരുനില വീട്ടില് നിന്നും നാല് പവന് സ്വര്ണവും, നാല്പതിനായിരം രൂപയും മോഷ്ടാക്കള് കവര്ച്ച ചെയ്തു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പിതാവിന്റെ ചികിത്സയ്ക്കായി രണ്ട് ദിവസം മുൻപ് വീട്ടുകാരെല്ലാം കോയമ്പത്തൂരിലേക്ക് പോയിരുന്നു.അപ്പോഴാണ് അടച്ചിട്ടിരുന്ന വീട്ടിൽ മോഷണം നടന്നത്.

ചൊവ്വാഴ്ച വൈകീട്ടോടെ വീട്ടില് തിരിച്ചെത്തിയപ്പോഴാണ് മോഷണ വിവരം അറിഞ്ഞത്.

വീടിന്റെ പുറകു വശത്തെ വാതിൽ പൊളിച്ചുകൊണ്ടാണ് മോഷ്ടാവ് വീടിനുള്ളിൽ കയറിയിരിക്കുന്നത്.

വീടിന്റെ മുകളിലത്തെ നിലയിലെ അലമാരയില് സൂക്ഷിച്ചിരുന്ന നാലുപവന്റെ ആഭരണങ്ങളും നാല്പ്പതിനായിരം രൂപയുമാണ് കവർന്നിരിക്കുന്നത്.

കിടപ്പുമുറികളിലെ എല്ലാ അലമാരകളും കുത്തി തുറന്ന നിലയിലായിരുന്നു.ഡോഗ് സ്ക്വാഡും, വിരലടയാള വിദഗ്ദ്ധരും സംഭവ സ്ഥലത്തെത്തി പരിശോധന നടത്തി തെളിവുകൾ ശേഖരിച്ചിട്ടുണ്ട്.

വലപ്പാട് പൊലീസ് കേസെടുത്ത് അന്വേഷണം ആരംഭിച്ചു.

Story highlight : Theft from a locked house in Thrissur.

സിപിഐഎം പാര്ട്ടി കോണ്ഗ്രസ്: വനിതാ പ്രാതിനിധ്യത്തില് കേരളത്തിന് വിമര്ശനം