സംസ്ഥാനത്തെ തീയറ്ററുകൾ തുറക്കുന്നു.

കോവിഡ് കാരണമുള്ള നീണ്ട ഇടവേളയ്ക്കു ശേഷം സംസ്ഥാനത്തെ തീയേറ്ററുകൾ തിങ്കളാഴ്ച തുറക്കുന്നു.

‘കുറുപ്പ്’ സിനിമയുടേതാണ് ആദ്യ പ്രധാന റിലീസ്.സെക്കൻഡ് ഷോകൾക്കും അനുമതിയുണ്ട്.

തീയറ്റർ തുറക്കുന്നത് സംബന്ധിച്ച് സർക്കാരും തിയറ്റർ ഉടമകളുമായി ചർച്ച നടത്തിയിരുന്നു. 

ഉടമകൾ ഉന്നയിച്ച നികുതിയിളവ് ആവശ്യം ബന്ധപ്പെട്ട വകുപ്പുകളുമായി ചർച്ച ചെയ്യാം എന്ന് മന്ത്രി സജി ചെറിയാൻ അറിയിച്ചിട്ടുണ്ട്.

ഒടിടി റിലീസിനായി ഒരുങ്ങിയ ദുൽഖർ സൽമാൻ ചിത്രം കുറുപ്പാണ് തീയേറ്റർ റിലീസ് ആയി നവംബർ 12ന് പ്രേക്ഷകരിൽ എത്തുന്നത്.

മോഹൻലാലിനെ നായകനാക്കി പ്രിയദർശൻ ഒരുക്കുന്ന ബിഗ് ബജറ്റ് ചിത്രമായ മരക്കാർ അറബിക്കടലിന്റെ  സിംഹവും റിലീസിന് ഒരുങ്ങുകയാണ്.

മിഷൻ സി, സ്റ്റാർ എന്നീ ചിത്രങ്ങൾ ഒക്ടോബർ 29 ന് റിലീസ് ചെയ്യും.

Story highlight  : Theaters to reopen from Monday.