‘സാന്‍റാ മരിയ’; ത്രില്ലര്‍ ചിത്രത്തില്‍ ബാബു ആന്‍റണി.

ബാബു ആന്‍റണി നായക വേഷത്തിലെത്തുന്ന ‘സാന്‍റാ മരിയ’ എന്ന ത്രില്ലർ ചിത്രത്തിന്റെ ഫസ്റ്റ് ലുക്ക് ടൈറ്റില്‍ പോസ്റ്റര്‍ റിലീസ് ചെയ്തു. നവാഗതനായ വിനു വിജയ് ആണ് ചിത്രം സംവിധാനം ചെയ്തിരിക്കുന്നത്.

സംവിധായകനും തിരക്കഥാകൃത്തുമായ അമല്‍ കെ ജോബിയാണ് ചിത്രത്തിന്റെ രചന നിർവഹിച്ചിരിക്കുന്നത്. ഒരു കയ്യിൽ വീണയും മറുകയ്യിൽ ചോര വാർന്ന ചുറ്റികയുമായി  സോഫയിലിരിക്കുന്ന സാന്‍റാക്ലോസ് ആണ് പോസ്റ്ററില്‍.

ഡോണ്‍ ഗോഡ്‍ലി പ്രൊഡക്ഷന്‍സിന്‍റെ ബാനറിൽ ലീമോൻ ചിറ്റിലപ്പിള്ളിയാണ് ചിത്രത്തിന്റെ നിർമാണം നിർവഹിക്കുന്നത്.

നീണ്ട ഇടവേളയ്ക്കു ശേഷം മലയാളത്തിലേക്ക് ബാബു ആന്‍റണി നായകനായിയെത്തുന്ന ചിത്രം കൂടിയാണ് സാന്‍റാ മരിയ. ചിത്രത്തിന്റെ ഷൂട്ടിങ് കൊച്ചിയിലും പരിസരപ്രദേശങ്ങളിലുമായി നവംബറില്‍ ആരംഭിക്കും.

കൊച്ചി നഗരത്തിൽ ഒരു ക്രിസ്‍മസ് കാലത്ത് നടക്കുന്ന അപതീക്ഷിതമായ കൊലപാതകങ്ങളും ഇതിനെ തുടർന്നുള്ള അന്വേഷണങ്ങൾക്കിടയിൽ പോലീസും മാധ്യമപ്രവർത്തകരും തമ്മിലുള്ള ശത്രുതയും തുടർന്നുള്ള സംഭവ വികാസങ്ങളുമാണ് സാന്‍റാ മരിയ എന്ന ചിത്രത്തിന്റെ പ്രമേയം.

ചിത്രത്തിൽ ഒരു മാധ്യമപ്രവര്‍ത്തകന്‍റെ വേഷമാണ് ബാബു ആന്റണിയുടേത്.കൂടാതെ ഇർഷാദ്, അലൻസിയർ, റോണി ഡേവിഡ് രാജ്, വിജയ് നെല്ലിസ്, മഞ്ജു പിള്ള, അമേയ മാത്യു, ശാലിൻ സോയ, ഇടവേള ബാബു, ശ്രീജ നായർ, സിനിൽ സൈനുദ്ദീൻ എന്നിവരും ചിത്രത്തിൽ അണിനിരക്കുന്നു.

Story highlight :  The first look title poster of ‘Santa Maria’ was released.