പൊലീസ് ഉദ്യോഗസ്ഥര്‍ ചമഞ്ഞ് തട്ടിപ്പ് ; പ്രവാസിക്ക് നഷ്ടമായത് പണവും മൊബൈല്‍ ഫോണും.

കുവൈത്തില്‍ പൊലീസ് ഉദ്യോഗസ്ഥര്‍ ചമഞ്ഞ് തട്ടിപ്പ് നടത്തുന്നതായി പരാതി.

തന്റെ പണവും മൊബൈല്‍ ഫോണും നഷ്‍ടമാവുകയും മര്‍ദനമേല്‍ക്കുകയും ചെയ്‍തതായി ഇന്ത്യക്കാരനായ പ്രവാസി അഹ്‍മദി ഗവര്‍ണറേറ്റ് പൊലീസ് സ്റ്റേഷനിലാണ് പരാതി നൽകിയത്.

റോഡരികില്‍ നില്‍ക്കുകയായിരുന്ന പ്രവാസിയുടെ അടുത്തേക്ക് പോലീസ് എന്ന വ്യാജനെ എത്തിയ രണ്ട് പേര്‍ ഒരു കാരണവും കൂടാതെ പ്രവാസിയെ അറസ്റ്റ് ചെയ്യുകയാണെന്ന് പറയുകയായിരുന്നു. 

തുടർന്ന് ഇയാളെ മര്‍ദിച്ച് അവശനാക്കി കൈയിലുണ്ടായിരുന്ന പണവും മൊബൈല്‍ ഫോണും കവർന്ന സംഘം ഇയാളെ ഉപേക്ഷിച്ച് സ്വന്തം വാഹനത്തില്‍ കടന്നുകളയുകയായിരുന്നു.

തട്ടിപ്പ് സംഘം സഞ്ചരിച്ച വാഹനത്തിന്റെ നമ്പര്‍ അധികൃതര്‍ക്ക് ലഭിച്ചിട്ടുണ്ട്.പ്രതികളെ പിടികൂടാനുള്ള അന്വേഷണം ആരംഭിച്ചതായി പോലീസ് അറിയിച്ചു.

Story highlight : The expatriate lost his phone and money in the scam at Kuwait.