തൃശൂർ : വിവാഹം കഴിഞ്ഞതിന്റെ തൊട്ടടുത്ത ദിവസം നവവധു സ്വര്‍ണാഭരണങ്ങളുമായി കൂട്ടുകാരിക്കൊപ്പം ഒളിച്ചോടി.
ഭാര്യയെ കാണാതായതിൽ നവവരന്‍ ഹൃദയാഘാതത്തെ തുടർന്ന് ആശുപത്രിയിൽ ചികിത്സയിലാണ്.
തൃശൂരിലാണ് സംഭവം.ഒക്ടോബര്‍ 25 നായിരുന്നു പഴുവില്‍ സ്വദേശിനിയായ യുവതിയും ചാവക്കാട് സ്വദേശിയായ യുവാവിന്റെയും വിവാഹം.
വിവാഹം കഴിഞ്ഞ് പിറ്റേദിവസം ഭര്‍ത്താവുമായി ബാങ്കിലെത്തിയ യുവതി ബാങ്കില്‍ നിന്നും ഇറങ്ങിയ ശേഷം തന്റെ കൂട്ടുകാരിക്കൊപ്പം സ്‌ക്കൂട്ടറില്‍ കയറി ഒളിച്ചോടുകയായിരുന്നു.
ഭര്‍ത്താവിന്റെ ഫോണ്‍ വാങ്ങി ഉടന്‍ വരാമെന്ന് പറഞ്ഞുപോയ യുവതിയെ വൈകുന്നേരം വരെ കാത്തിരുന്നിട്ടും വരാതായതോടെ ഭര്‍ത്താവ് പൊലീസില്‍ പരാതി നൽകുകയായിരുന്നു.
ഭർത്താവിന്റെ പരാതിയെ തുടർന്ന് നടത്തിയ അന്വേഷണത്തിൽ മധുരയില്‍ നിന്നാണ് യുവതികളെ പൊലീസ് കണ്ടെത്തിയത്.
മധുരയിലെത്തി ലോഡ്ജില്‍ മുറിയെടുത്തു താമസിച്ച ഇവർ പണം നല്‍കാതെ മുങ്ങുകയായിരുന്നു.മുറിയെടുക്കാനായി ഇവർ നല്‍കിയ ലൈസന്‍സിലെ നമ്പറില്‍ ബന്ധപ്പെട്ടതോടെയാണ് പോലീസിന് ഇരുവരെയും പിടികൂടാൻ കഴിഞ്ഞത്.
യുവതിയുടെ കൂട്ടുകാരിയും വിവാഹം കഴിഞ്ഞ ശേഷം ഭര്‍ത്താവില്‍ നിന്നും പിരിഞ്ഞുകഴിയുകയായിരുന്നു.
സ്വതന്ത്രമായി ജീവിക്കാനാണ് നാടുവിട്ടതെന്നും പണവും സ്വര്‍ണവും ആവശ്യമുള്ളതിനാലാണ് വിവാഹം കഴിച്ചതെന്നും യുവതികൾ പറയുന്നു.
ഇവരില്‍ നിന്ന് പതിനൊന്നര പവന്‍ സ്വര്‍ണം പൊലീസ് പിടിച്ചെടുത്തിട്ടുണ്ട്.പെണ്‍കുട്ടികളെ കോടതിയില്‍ ഹാജരാക്കിയശേഷം ബന്ധുക്കള്‍ക്കൊപ്പം വിട്ടയച്ചു.
Story highlight : The bride ran away with the young woman.
