ഇടുക്കി നാരകപ്പുഴയിൽ മൊബൈൽ ഫോൺ നൽകാത്തതിനെ തുടർന്ന് 15 വയസ്സുകാരൻ ആത്മഹത്യ ചെയ്തു.
വടക്കേപുളിക്കൽ വീട്ടിൽ ആരിഫിന്റെ മകൻ റസൽ മുഹമ്മദ് ആണ് ജീവനൊടുക്കിയത്.
ഇന്ന് ഉച്ചയോടെയായിരുന്നു സംഭവം.റസൽ അമിതമായി മൊബൈൽ ഫോൺ ഉപയോഗിച്ചിരുന്നു.
പുലർച്ചെ നാല് മണിയ്‌ക്ക് മുറിയിൽ വെളിച്ചം കണ്ടതിനെ തുടർന്ന് മാതാവ് മുറിയിൽ എത്തിയപ്പോൾ ഉറങ്ങാതെ മൊബൈൽ ഫോൺ ഉപയോഗിക്കുകയായിരുന്നു റസൽ. തുടർന്ന് ഫോൺ വാങ്ങിവയ്‌ക്കുകയും രാവിലെ കുട്ടി ഫോൺ ആവശ്യപ്പെട്ടപ്പോൾ പഠിച്ചതിന് ശേഷമേ ഫോൺ നൽകു എന്നും മാതാവ് പറഞ്ഞു.
ഇതേ തുടർന്ന് കുട്ടി ഉച്ചയ്ക്ക് ഫോൺ ആവശ്യപ്പെട്ടതോടെ ഫോൺ മുറിയിൽ ഉണ്ടെന്നും എടുത്തുകൊള്ളാനും മാതാവ് പറഞ്ഞു.
എന്നാൽ ഇതിന് ശേഷം റസൽ കിടപ്പുമുറിയിൽ തൂങ്ങിമരിക്കുകയായിരുന്നു.മാതാവാണ് ആദ്യം കുട്ടിയെ തൂങ്ങിയ നിലയിൽ കണ്ടത്.
ഉടൻ തന്നെ ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു.
Story highlight : Tenth Class student committed suicide at Idukki.
