Teacher stabbed to death in classroom for rejecting marriage proposal

തമിഴ്നാട്ടിലെ തഞ്ചാവൂരിൽ ഒരു അധ്യാപികയെ ക്ലാസ് മുറിയിൽ വച്ച് കുത്തിക്കൊന്ന സംഭവം ഞെട്ടലോടെയാണ് കേട്ടത്. മല്ലിപ്പട്ടണം സ്വദേശിയായ എം രമണി (26) എന്ന അധ്യാപികയാണ് കൊല്ലപ്പെട്ടത്. പ്രതിയായ എം. മദൻ (30) നെ പൊലീസ് അറസ്റ്റ് ചെയ്തു. നാല് മാസം മുൻപാണ് രമണി മല്ലിപ്പട്ടണം ഗവൺമെന്റ് ഹയർ സെക്കൻഡറി സ്കൂളിൽ അധ്യാപികയായി ചേർന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഇന്ന് രാവിലെ ക്ലാസ് നടത്തിക്കൊണ്ടിരിക്കെയാണ് മദൻ സ്കൂളിലെത്തി രമണിയെ കുത്തിയത്. വിദ്യാർത്ഥികളുടെ മുന്നിൽ വച്ച് കൈയിൽ കരുതിയിരുന്ന കത്തി കൊണ്ട് കഴുത്തിൽ കുത്തുകയായിരുന്നു. ആശുപത്രിയിലെത്തിക്കും മുമ്പേ രമണി മരണമടഞ്ഞു. കൊലപാതകത്തിന് ശേഷം ഓടി രക്ഷപ്പെടാൻ ശ്രമിച്ച മദനെ അധികൃതർ പിടികൂടി പൊലീസിന് കൈമാറി.

നിരവധി തവണ രമണിയോട് പ്രണയാഭ്യർത്ഥന നടത്തുകയും കൂട്ടുകാരോടൊപ്പം ചേർന്ന് പിന്തുടർന്ന് ശല്യപ്പെടുത്തുകയും ചെയ്തിരുന്നതായി പൊലീസ് കണ്ടെത്തി. വിവാഹാഭ്യർത്ഥന നിരസിച്ചതിനെ തുടർന്ന് കൂട്ടുകാരുടെ പരിഹാസം ഏറ്റുവാങ്ങിയ മദൻ രമണിയോട് പക തോന്നുകയും അതിന്റെ ഫലമായാണ് ഈ കൊലപാതകം നടത്തിയതെന്നും പൊലീസ് വ്യക്തമാക്കി.

മുല്ലപ്പെരിയാർ അണക്കെട്ട് സുരക്ഷിതമെന്ന് തമിഴ്നാട്; ജലനിരപ്പ് 152 അടിയായി ഉയർത്താമെന്നും സത്യവാങ്മൂലം