“വീഡിയോ ഓൺ ആക്കിയേ എല്ലാരും എനിക്കൊന്നു കാണാനാ” അവസാനമായി മാധവി ടീച്ചർ പറഞ്ഞ വാക്കുകൾ.
ഓൺലൈൻ ക്ലാസ്സിനിടെ അധ്യാപിക കുഴഞ്ഞു വീണു മരിച്ചു.കള്ളാർ അടോട്ടുകയ ഗവൺമെൻറ് വെൽഫെയർ എൽപി സ്കൂളിലെ അധ്യാപികയായ ചുള്ളിയോടിയിലെ സി മാധവി(47) ആണ് മരിച്ചത്.
ബുധനാഴ്ച രാത്രി എട്ടുമണിയോടെയാണ് സംഭവം.ക്ലാസ് എടുക്കുമ്പോൾ അധ്യാപിക വീട്ടിൽ തനിച്ചായിരുന്നു.ചുമയും ശ്വാസംമുട്ടും ഉള്ളതുകൊണ്ട് ക്ലാസ് വേഗം അവസാനിപ്പിച്ചു.
തുടർന്ന് സഹോദരൻറെ മകനായ രതീഷിനെ സുഖമില്ലെന്ന് പറഞ്ഞു വിളിച്ചു വരുത്തി.രതീഷ് വീട്ടിലെത്തിയപ്പോഴേക്കും നിലത്ത് വീണ അവസ്ഥയിലായിരുന്നു.ഉടൻതന്നെ പൂടംകല്ല് താലൂക്ക് ആശുപത്രിയിലെത്തിച്ചെങ്കിലും മരിച്ചിരുന്നു.
ഗണിത അധ്യാപികയായ മാധവി “വീഡിയോ ഓൺ ആക്കിയേ എല്ലാരേം എനിക്കൊന്നു കാണാനാ ” ഇങ്ങനെയായിരുന്നു അവസാനം പറഞ്ഞ വാക്കുകൾ.
ഇത് പതിവില്ലാത്ത ഒരു കാര്യമാണെന്നും രക്ഷിതാക്കൾ വേദനയോടെ ഓർക്കുന്നു.
ഭർത്താവ് പരേതനായ ടി ബാബു. രാമൻ ,കല്യാണി, കണ്ണൻ ,പരേതരായ രാമകൃഷ്ണൻ, മാധവൻ എന്നിവരാണ് സഹോദരങ്ങൾ.
Story highlight : Teacher collapsed and died during online class
