Tahawwur Rana Faces Maximum Punishment in Mumbai Terror Attacks Case

**മുംബൈ◾:** മുംബൈ ഭീകരാക്രമണ കേസിലെ മുഖ്യ ഗൂഢാലോചകൻ തഹാവൂർ റാണയ്ക്ക് പരമാവധി ശിക്ഷ ലഭിക്കുമെന്ന് മുൻ ഡിജിപി ലോക്നാഥ് ബെഹ്റ പ്രതീക്ഷ പ്രകടിപ്പിച്ചു. റാണയെ ഇന്ത്യയിലേക്ക് കൊണ്ടുവരാനായത് നിർണായക നേട്ടമാണെന്നും അദ്ദേഹം കൂട്ടിച്ചേർത്തു. മുംബൈ ആക്രമണവുമായി ബന്ധപ്പെട്ട് ഓരോ ഇന്ത്യക്കാരുടെയും മനസിലുള്ള ചോദ്യങ്ങൾക്ക് ഇതോടെ ഉത്തരം ലഭിക്കുമെന്നും ബെഹ്റ പറഞ്ഞു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

\n\nറാണയ്ക്കെതിരെ നിരവധി തെളിവുകൾ ശേഖരിച്ചിട്ടുണ്ടെന്നും ബെഹ്റ വ്യക്തമാക്കി. റാണ കൊച്ചിയിൽ വന്നതടക്കമുള്ള തെളിവുകൾ അന്ന് ലഭിച്ചിരുന്നു. ഡേവിഡ് ഹെഡ്ലിയെ ചോദ്യം ചെയ്തപ്പോൾ റാണയെ കുറിച്ച് പറഞ്ഞിരുന്നു.

\n\nചാർജ് ഷീറ്റ് സമർപ്പിച്ച് 14 വർഷത്തിന് ശേഷമാണ് റാണയെ ഇന്ത്യയിൽ എത്തിക്കുന്നത്. ആക്രമണം നടത്താൻ മറ്റാരെങ്കിലും സഹായിച്ചിരുന്നോ, ഏതെങ്കിലും തരത്തിൽ പ്രാദേശിക സഹായം ലഭിച്ചിട്ടുണ്ടോ തുടങ്ങിയ കാര്യങ്ങളെല്ലാം ഇനി അറിയാൻ സാധിക്കും. കേസിൽ ഡേവിഡ് കോൾമാൻ ഹെഡ്ലിയെ അമേരിക്കയിൽ പോയി ചോദ്യം ചെയ്ത ഉദ്യോഗസ്ഥനാണ് ലോക്നാഥ് ബെഹ്റ.

\n\nഇന്ത്യയ്ക്ക് ഇപ്പോൾ ലഭിച്ചിരിക്കുന്നത് സുവർണാവസരമാണെന്ന് ബെഹ്റ അഭിപ്രായപ്പെട്ടു. ഒരുപാട് രഹസ്യങ്ങൾ റാണയ്ക്ക് അറിയാമെന്നും പുതിയ പേരുകൾ വരുമെന്നാണ് പ്രതീക്ഷിക്കുന്നതെന്നും അദ്ദേഹം പറഞ്ഞു. പാസ്പോർട്ട് ഉണ്ടാക്കികൊടുത്തതും ഡേവിഡ് കോൾമാൻ ഹെഡ്ലിയ്ക്ക് എല്ലാ സഹായവും ചെയ്തുകൊടുത്തതും റാണയാണ്.

വെള്ളാപ്പള്ളിയുടെ പ്രസംഗത്തിന് പിണറായിയുടെ പിന്തുണ

\n\nഇരുവരും തമ്മിൽ നൂറിലധികം ഫോൺ കോളുകളാണ് ചെയ്തിരുന്നത്. റാണ നിരവധി തവണ ഇന്ത്യയിൽ എത്തിയതിന്റെ തെളിവുകളുണ്ട്. റാണയ്ക്ക് പരമാവധി ശിക്ഷ ഉണ്ടാകുമെന്നാണ് പ്രതീക്ഷയെന്നും അദ്ദേഹം വ്യക്തമാക്കി.

Story Highlights: Former DGP Loknath Behera hopes Tahawwur Rana will receive maximum punishment in the Mumbai terror attack case.

മുംബൈ ഭീകരാക്രമണം: തഹാവൂർ റാണയുടെ ശബ്ദസാമ്പിളുകൾ ശേഖരിക്കാൻ എൻഐഎ