Sivankutty opposes Hindi in NCERT textbooks

കേന്ദ്രസർക്കാരിന്റെ ഹിന്ദി ഭാഷാ നയത്തിനെതിരെ വിദ്യാഭ്യാസ മന്ത്രി വി. ശിവൻകുട്ടി രംഗത്ത്. എൻസിഇആർടി പാഠപുസ്തകങ്ങളിൽ ഹിന്ദി ഭാഷ അടിച്ചേൽപ്പിക്കുന്നതിനെതിരെയാണ് മന്ത്രിയുടെ പ്രതിഷേധം. ഇംഗ്ലീഷ് മീഡിയം പാഠപുസ്തകങ്ങൾക്ക് ഹിന്ദി തലക്കെട്ട് നൽകാനുള്ള എൻസിഇആർടിയുടെ തീരുമാനം ഫെഡറൽ തത്വങ്ങൾക്ക് വിരുദ്ധമാണെന്ന് മന്ത്രി ചൂണ്ടിക്കാട്ടി. ദേശീയ വിദ്യാഭ്യാസ നയത്തിൽ യോജിപ്പും വിയോജിപ്പുമുള്ള കാര്യങ്ങളുണ്ടെന്നും അതെല്ലാം ജനാധിപത്യത്തിൽ സ്വഭാവികമാണെന്നും മന്ത്രി കൂട്ടിച്ചേർത്തു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഈ വിഷയത്തിൽ കേന്ദ്ര വിദ്യാഭ്യാസ മന്ത്രി ധർമ്മേന്ദ്ര പ്രധാനുമായി കത്തിലൂടെ ആശയവിനിമയം നടത്തിയതായും മന്ത്രി വ്യക്തമാക്കി. എന്നാൽ, ഇതുവരെ യാതൊരു പരിഹാര നടപടിയും കേന്ദ്രം സ്വീകരിച്ചിട്ടില്ല. ഹിന്ദി ഭാഷാ നയം പാഠപുസ്തകങ്ങളിൽ നടപ്പാക്കിയതിൽ പ്രതിഷേധം നേരത്തെ രേഖപ്പെടുത്തിയിരുന്നതായും മന്ത്രി പറഞ്ഞു.

അടുത്ത മാസം ഡൽഹിയിൽ നടക്കുന്ന എൻസിഇആർടി യോഗത്തിൽ ഈ വിഷയം ഉന്നയിക്കുമെന്നും ഹിന്ദി പേരുകൾ മാറ്റണമെന്ന് ആവശ്യപ്പെടുമെന്നും മന്ത്രി അറിയിച്ചു. പി.എം. ശ്രീയിലൂടെ കിട്ടുന്ന പണം ഉപേക്ഷിക്കേണ്ട കാര്യമില്ലെന്നും അത് കേരളത്തിന് അവകാശപ്പെട്ട പണമാണെന്നും മന്ത്രി വ്യക്തമാക്കി. കേന്ദ്രസർക്കാരിന്റെ നയത്തിൽ പ്രതിഷേധിച്ചുകൊണ്ട് തന്നെ കേരളത്തിന് അർഹതപ്പെട്ട ആനുകൂല്യങ്ങൾ സ്വീകരിക്കുമെന്നും അദ്ദേഹം കൂട്ടിച്ചേർത്തു.

പാഠപുസ്തകങ്ങൾക്ക് സംഗീതോപകരണങ്ങളുടെ പേരുകൾ: എൻസിഇആർടിയുടെ വിശദീകരണം

Story Highlights: Kerala Education Minister V. Sivankutty opposes the Centre’s Hindi language policy in NCERT textbooks.

പാഠപുസ്തകങ്ങൾക്ക് സംഗീതോപകരണങ്ങളുടെ പേരുകൾ: എൻസിഇആർടിയുടെ വിശദീകരണം