താമരശ്ശേരിയിലെ മുഹമ്മദ് ഷഹബാസിന്റെ കൊലപാതക കേസിലെ പ്രതികളായ അഞ്ച് വിദ്യാർത്ഥികളെ എസ്എസ്എൽസി പരീക്ഷ എഴുതാൻ അനുവദിക്കരുതെന്ന് യൂത്ത് കോൺഗ്രസ് ആവശ്യപ്പെട്ടു. ജീവിക്കാനുള്ള അവകാശം നിഷേധിച്ച പ്രതികൾക്ക് വിദ്യാഭ്യാസാവകാശം നൽകരുതെന്നും യൂത്ത് കോൺഗ്രസ് മണ്ഡലം കമ്മിറ്റി പുറത്തിറക്കിയ പ്രസ്താവനയിൽ വ്യക്തമാക്കി. ഷഹബാസിനെ കൊലപ്പെടുത്താൻ ഉപയോഗിച്ച നഞ്ചക് ഒന്നാം പ്രതിയുടെ വീട്ടിൽ നിന്ന് കണ്ടെടുത്തതായും പോലീസ് അറിയിച്ചു. പ്രതികളെ പരീക്ഷ എഴുതാൻ അനുവദിച്ചാൽ തടയുമെന്ന് യൂത്ത് കോൺഗ്രസ് പ്രസ്താവനയിൽ മുന്നറിയിപ്പ് നൽകി.
വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here
വിദ്യാഭ്യാസ വകുപ്പ് പൊതുവികാരം മാനിക്കണമെന്നും പ്രതികൾ പരീക്ഷയെഴുതുന്നത് മറ്റ് കുട്ടികളെ മാനസികമായി ബാധിക്കുമെന്നും യൂത്ത് കോൺഗ്രസ് ചൂണ്ടിക്കാട്ടി. കഴിഞ്ഞ വർഷം പ്രതികൾ മറ്റ് വിദ്യാർത്ഥികളെ ആക്രമിച്ച ദൃശ്യങ്ങളും പുറത്തുവന്നിട്ടുണ്ട്.
