ആറു വയസ്സുകാരനായ മകനു മുന്നിൽ സീനിയർ ഉദ്യോഗസ്ഥനുമായി ശാരീരിക ബന്ധത്തിൽ ഏർപ്പെട്ട വനിത കോൺസ്റ്റബിളിനെ പോക്സോ നിയമപ്രകാരം രാജസ്ഥാൻ പൊലീസിലെ സ്പെഷൽ ഓപറേഷൻസ് ഗ്രൂപ്പ് അറസ്റ്റു ചെയ്തു. സമൂഹമാധ്യമങ്ങളിൽ സംഭവത്തിന്റെ വിഡിയോ വൈറലായതിനു പിന്നാലെയാണ് നടപടി സ്വീകരിച്ചത്.
യുവതി ശാരീരിക ബന്ധത്തിൽ ഏർപ്പെട്ട സീനിയർ പൊലീസ് ഓഫിസറെ പോലീസ് പിടികൂടിയിരുന്നു. സംഭവത്തെ തുടർന്ന് ജയ്പുർ പൊലീസ് കമ്മിഷണറേറ്റിലെ വനിതാ കോൺസ്റ്റബിളിനേയും അജ്മൽ ബെവാറിലെ സർക്കിൾ ഓഫിസർ ഹീരാലാൽ സൈനിയെയും സസ്പെൻഡ് ചെയ്തിട്ടുണ്ട്. യുവതിയെ കോടതിയിൽ ഹാജരാക്കിയ ശേഷം ഈ മാസം 17 ആം തീയതി വരെ റിമാൻഡിൽ വിട്ടിരിക്കുകയാണ്.
അജ്മീറിലെ ഒരു റിസോർട്ടിൽ യുവതിയുടെ ജന്മദിനം ആഘോഷിക്കാൻ എത്തിയതായിരുന്നു ഇവർ രണ്ടുപേരും. ആഘോഷങ്ങൾക്കിടയിൽ നീന്തൽകുളത്തിൽ വച്ചുള്ള ഇരുവരുടെയും സ്വകാര്യ ദൃശ്യങ്ങൾ യുവതി തന്റെ മൊബൈലിൽ പകർത്തി.
ഈ ദൃശ്യങ്ങൾ അബദ്ധത്തിൽ വാട്സാപ് സ്റ്റാറ്റസ് ആവുകയും ഉടൻ തന്നെ സോഷ്യൽ മീഡിയയിൽ പ്രചരിക്കുകയും ചെയ്തു. നീന്തൽകുളത്തിൽ ഇരുവരോടൊപ്പം യുവതിയുടെ കുട്ടിയേയും കാണാം.
സ്റ്റാറ്റസ് കണ്ട യുവതിയുടെ ഭർത്താവ് പോലീസിൽ പരാതിപ്പെടുകയായിരുന്നു.തന്റെ ഭാര്യയുടെ മുന്നിൽവച്ച് ഉദ്യോഗസ്ഥൻ മകനെ മോശമായ രീതിയിൽ സ്പർശിച്ചുവെന്നും പരാതിയിൽ വ്യക്തമാക്കുന്നു.
Story Highlights: Sex with superior officer in front of the child Police Women got arrested
