പാലക്കാട് ടൗണിൽ യുവാവിന്റെ വാഹനാഭ്യാസത്തെ തുടർന്ന് സ്‌കൂട്ടര്‍ യാത്രികയ്ക്ക് പരിക്ക്.
അമിതവേഗത്തില്‍ സ്വകാര്യബസിനെ മറികടന്ന് പാഞ്ഞ ബൈക്ക് യാത്രക്കാരന്‍ സ്‌കൂട്ടര്‍ യാത്രികയെ ഇടിച്ചിടുകയായിരുന്നു.
എന്നാൽ അപകട ശേഷം ഇയാൾ വാഹനം നിർത്താതെ അതിവേഗത്തിൽ ഓടിച്ചു പോയി.
നടുറോഡിൽ തെറിച്ചു വീണ സ്‌കൂട്ടര്‍ യാത്രികയെ വഴിയാത്രക്കാർ ചേർന്ന് സുരക്ഷിതമായി മാറ്റുകയായിരുന്നു.
യാത്രികയ്ക്ക് കാര്യമായ പരിക്കൊന്നും തന്നെ ഏറ്റിട്ടില്ല.അപകടകരമായ രീതിയിൽ വാഹനം ഓടിച്ച യുവാവിനെതിരെ കേസ് രജിസ്റ്റർ ചെയ്തിട്ടുണ്ട്.
പാലക്കാട് പരുത്തിപ്പുള്ളി സ്വദേശി ആദർശിനെതിരെയാണ് പോലീസ് കേസെടുത്തിരിക്കുന്നത്.
യുവാവിന്റെ ലൈസൻസ് സസ്‌പെൻഡ് ചെയ്യാനുള്ള നടപടിയിലേക്ക് നീങ്ങുമെന്നാണ് വിവരം.സിഗ്നലുള‌ള ജംഗ്‌ഷനിലേക്ക് എത്തിയ യുവാവ് തിരക്ക് ഒഴിവാക്കി സിഗ്‌നല്‍ മറികടക്കാന്‍ ശ്രമിക്കവെ അതുവഴി വന്ന സ്‌കൂട്ടര്‍ യാത്രികയെ തട്ടിയിട്ട് നിര്‍ത്താതെ അതിവേഗത്തിൽ പോകുകയായിരുന്നു.
ഇൻഡിക്കേറ്റർ പോലും ഇടാതെയാണ് സിഗ്‌നല്‍ മറികടക്കാന്‍ യുവാവ് തന്റെ വാഹനം ഇടത്തേക്ക് വെട്ടിച്ചത്.
പിന്നിലൂടെ വന്ന കാറിന്റെ ഡാഷ് ക്യാമറയിൽ നിന്നും ലഭിച്ച ദൃശ്യങ്ങൾ ഇതിനോടകം സമൂഹ മാധ്യമങ്ങളിൽ പ്രചരിച്ചുകഴിഞ്ഞു.
Story highlight : Scooter passenger was injured by a bike in palakkad.
