Scientists propose using asteroid rocks as food for space missions

ബഹിരാകാശ യാത്രകളിലെ ഭക്ഷണ പ്രശ്നത്തിന് പുതിയ പരിഹാരം കണ്ടെത്തിയിരിക്കുകയാണ് ശാസ്ത്രജ്ഞർ. ഛിന്നഗ്രഹങ്ങളിലെ പാറകളിൽ നിന്ന് കാർബൺ വേർതിരിച്ചെടുത്ത് ആഹാരമാക്കി മാറ്റാമെന്നാണ് പുതിയ നിർദേശം.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഇന്റർനാഷണൽ ജേണൽ ഓഫ് ആസ്ട്രോബയോളജിയിൽ പ്രസിദ്ധീകരിച്ച പഠനത്തിലാണ് ഈ നൂതന ആശയം അവതരിപ്പിച്ചിരിക്കുന്നത്. നിലവിൽ ബഹിരാകാശ യാത്രികർ ഉണക്കി സൂക്ഷിച്ച ഭക്ഷണങ്ങളാണ് കൊണ്ടുപോകുന്നത്.

എന്നാൽ ദീർഘകാല ബഹിരാകാശ യാത്രകളിൽ വലിയ അളവിൽ ഭക്ഷണം കൊണ്ടുപോകുന്നത് പ്രായോഗികമല്ല. ഈ പ്രശ്നത്തിന് പരിഹാരമായാണ് ഛിന്നഗ്രഹങ്ങളിലെ പാറകളിൽ നിന്ന് ആഹാരം നിർമ്മിക്കുന്ന ആശയം മുന്നോട്ട് വയ്ക്കുന്നത്.

മിഷിഗൺ ടെക്നോളജിക്കൽ യൂണിവേഴ്സിറ്റിയിലെ ഗവേഷകർ നേരത്തെ സൂക്ഷ്മാണുക്കളെ ഉപയോഗിച്ച് പ്ലാസ്റ്റിക് മാലിന്യങ്ങളെ ഭക്ഷ്യയോഗ്യമാക്കി മാറ്റാമെന്ന് കണ്ടെത്തിയിരുന്നു. ഇതേ തത്വം ഛിന്നഗ്രഹങ്ങളിലും പ്രയോഗിക്കാമെന്നാണ് ഒണ്ടാരിയോയിലെ വെസ്റ്റേൺ യൂണിവേഴ്സിറ്റി പ്രൊഫസർ ജോഷ്വ പിയേഴ്സ് അഭിപ്രായപ്പെടുന്നത്.

പൈറോലിസിസ് എന്ന പ്രക്രിയയിലൂടെ പാറകളിൽ നിന്ന് കാർബൺ വേർതിരിച്ച്, അത് ബാക്ടീരിയകളുമായി പ്രവർത്തിപ്പിച്ച് പോഷകസമൃദ്ധമായ ജൈവവസ്തുവാക്കി മാറ്റാമെന്നാണ് കണക്കുകൂട്ടൽ.

വിവാഹബന്ധം ഹൃദയാരോഗ്യത്തിന് ഗുണം ചെയ്യുമെന്ന് പഠനം

Story Highlights: Scientists propose using asteroid rocks to produce food for long-term space missions

സൗരയൂഥത്തിന് പുറത്ത് ഭൂമിയോട് സാദൃശ്യമുള്ള നാല് ഗ്രഹങ്ങളെ കണ്ടെത്തി