Sandra Thomas Criticizes Producers Association, Calls for Restructuring

പ്രൊഡ്യുസേഴ്സ് അസോസിയേഷന് പൊളിച്ചു പണിയണമെന്ന് നിര്മ്മാതാവ് സാന്ദ്ര തോമസ് ആവശ്യപ്പെട്ടു. നിലവിലെ കമ്മറ്റിക്ക് നിക്ഷിപ്ത താത്പര്യങ്ങളാണെന്ന് സാന്ദ്ര തോമസും ഷീലു കുര്യനും ചൂണ്ടിക്കാട്ടി സംഘടനയ്ക്ക് കത്ത് നല്കി. അസോസിയേഷന് സിനിമ മേഖലയിലെ സ്ത്രീകളെ കളിയാക്കുന്നുവെന്നും ചിലരുടെ ഇംഗിതങ്ങള് സംരംക്ഷിക്കുന്നുവെന്നും സാന്ദ്ര ആരോപിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഹേമ കമ്മിറ്റി റിപ്പോര്ട്ടില് സംഘടന പാലിച്ചത് വലിയ മൗനമെന്നും എന്നാല് നിവിന് പോളിക്കെതിരെ ആരോപണം വന്നപ്പോള് മണിക്കൂറുകള്ക്കകം പത്രക്കുറിപ്പ് ഇറക്കിയെന്നും അവര് ചൂണ്ടിക്കാട്ടി. പ്രൊഡ്യൂസേഴ്സ് അസോസിയേഷനിലും പവര് ഗ്രൂപ്പ് ഉണ്ടെന്നും അത് തുറന്നു പറയുന്നവര് സിനിമയില് ഇല്ലാതാവുമെന്നും സാന്ദ്ര പറഞ്ഞു. സംഘടനയില്നിന്ന് നടപടി സ്വീകരിച്ചാലും താനിത് തുറന്നു പറയുമെന്നും അവര് വ്യക്തമാക്കി.

അസോസിയേഷന് എതിരായി സംസാരിക്കുന്നത് എല്ലാവര്ക്കും പേടിയുള്ള കാര്യമാണെന്നും അതിലേക്ക് വിരല്ചൂണ്ടുന്നത് ഭയപ്പെടുത്തുന്ന കാര്യം കൂടിയാണെന്നും സാന്ദ്ര പറഞ്ഞു. 15 വര്ഷമായി സംഘടനയിലുള്ളയാളാണ് താനെന്നും അസോസിയേഷന്റേതായ ഒരുപരിപാടിയിലും സ്ത്രീകളുടെ പങ്കാളിത്തം ഉണ്ടാവാറില്ലെന്നും സാന്ദ്ര ചൂണ്ടിക്കാട്ടി. സംഘടന ഈ രീതിയില് മുന്നോട്ട് പോയാല് പോരെന്നും കടുത്ത വിവേചനമാണ് സ്ത്രീകള് നേരിടുന്നതെന്നും അവര് പറഞ്ഞു.

എമ്പുരാൻ ആദ്യ പകുതി കണ്ട് ആവേശത്തിൽ ആരാധകർ; മാസ് ഡയലോഗുകളും ലാലേട്ടന്റെ ഇൻട്രോയും വേറിട്ട ലെവലിൽ

തന്റെ കുട്ടികള്ക്കുള്പ്പടെ ഈ മേഖലയിലേക്ക് കടന്നു വരേണ്ടതുണ്ടെന്നും അതുകൊണ്ട് ഒരു അമ്മയെന്ന രീതിയില് കൂടിയാണ് ഇക്കാര്യങ്ങള് തുറന്നു പറയുന്നതെന്നും സാന്ദ്ര വ്യക്തമാക്കി. സംഘടനക്കുള്ളില് നിന്ന് തിരുത്തലിന് ശ്രമിച്ചിട്ട് നടക്കുന്നില്ലെന്നും അവര് പറഞ്ഞു.

Story Highlights: Sandra Thomas calls for restructuring of Producers Association, citing vested interests and discrimination against women in film industry

അമ്മയും പ്രൊഡ്യൂസേഴ്സ് അസോസിയേഷനും തമ്മിലുള്ള തർക്കം നിയമയുദ്ധത്തിലേക്ക്