Rapper Vedan Gets Bail in Tiger Tooth Case With Strict Conditions

പെരുമ്പാവൂർ◾: പുലിപ്പല്ല് കേസിൽ റാപ്പർ വേടന് പെരുമ്പാവൂർ ജുഡീഷ്യൽ ഫസ്റ്റ് ക്ലാസ് കോടതി ജാമ്യം അനുവദിച്ചു. കർശന ഉപാധികളോടെയാണ് ജാമ്യം അനുവദിച്ചത്. അന്വേഷണവുമായി പൂർണ്ണമായി സഹകരിക്കണമെന്നും കേരളം വിട്ടു പുറത്തു പോകരുതെന്നും കോടതി വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഏഴു ദിവസത്തിനുള്ളിൽ പാസ്പോർട്ട് കോടതിയിൽ സമർപ്പിക്കണമെന്നും എല്ലാ വ്യാഴാഴ്ചയും അന്വേഷണ ഉദ്യോഗസ്ഥന് മുന്നിൽ ഹാജരാകണമെന്നും കോടതി നിർദ്ദേശിച്ചു. സമ്മാനമായി ലഭിച്ച വസ്തു പുലിപ്പല്ലാണെന്ന് തനിക്ക് അറിയില്ലായിരുന്നുവെന്നും അറിഞ്ഞിരുന്നെങ്കിൽ ഉപയോഗിക്കില്ലായിരുന്നുവെന്നും വേടൻ കോടതിയെ അറിയിച്ചു.

രാജ്യം വിട്ടു പോകില്ലെന്നും പാസ്പോർട്ട് സമർപ്പിക്കാൻ തയ്യാറാണെന്നും വേടൻ കോടതിയെ അറിയിച്ചു. വനം വകുപ്പ് പുലിപ്പല്ല് എന്ന് പറയുന്നതല്ലാതെ ശാസ്ത്രീയമായ തെളിവൊന്നുമില്ലെന്നും വേടൻ ചൂണ്ടിക്കാട്ടി. തൊണ്ടിമുതൽ കണ്ടെടുത്തിട്ടുണ്ടെങ്കിലും വനം വകുപ്പ് കസ്റ്റഡിക്കായി അപേക്ഷ നൽകിയിട്ടില്ലാത്തതിനാൽ ജാമ്യം നൽകണമെന്നും വേടൻ കോടതിയോട് അഭ്യർത്ഥിച്ചു.

എന്നാൽ ജാമ്യാപേക്ഷയെ എതിർത്ത് വനം വകുപ്പ് രംഗത്തെത്തി. വേടൻ രാജ്യം വിട്ടു പോകാനും തെളിവ് നശിപ്പിക്കാനും സാധ്യതയുണ്ടെന്ന് വനം വകുപ്പ് വാദിച്ചു. വേടന്റെ മാനേജരെ ചോദ്യം ചെയ്യണമെന്നും പരിപാടികൾ നോക്കുന്ന അവരെ ചോദ്യം ചെയ്താൽ മാത്രമേ ഉറവിടം അറിയാൻ സാധിക്കൂ എന്നും വനം വകുപ്പ് പറഞ്ഞു. രഞ്ജിത്ത് കുമ്പിടി എന്നയാളാണ് മാല നൽകിയതെന്ന് പറയുന്നുണ്ടെങ്കിലും ഇയാളെ കണ്ടെത്താനായിട്ടില്ലെന്നും വനം വകുപ്പ് കോടതിയെ അറിയിച്ചു.

വേടന് പിന്തുണയുമായി വനംമന്ത്രി

ഒരു സാധാരണക്കാരന് എങ്ങനെയാണ് പുലിപ്പല്ല് കണ്ടാൽ തിരിച്ചറിയാൻ കഴിയുക എന്ന ചോദ്യവും വേടൻ ഉന്നയിച്ചു. സമ്മാനമായി ലഭിച്ചപ്പോൾ വാങ്ങിയതാണെന്നും മൃഗവേട്ട നടന്നിട്ടില്ലെന്നും വേടന്റെ അഭിഭാഷകൻ വാദിച്ചു. അന്വേഷണത്തോട് പൂർണ്ണമായും സഹകരിക്കാൻ തയ്യാറാണെന്നും വേടൻ കോടതിയെ അറിയിച്ചു.

Story Highlights: Rapper Vedan granted bail in tiger tooth case with strict conditions.

വേടന് പിന്തുണയുമായി വനംമന്ത്രി