നിയമസഭാ കയ്യാങ്കളി കേസുമായി ബന്ധപ്പെട്ട് പ്രതിപക്ഷ നേതാവ് രമേശ് ചെന്നിത്തല മുഖ്യമന്ത്രിക്ക് കത്തയച്ചു. പ്രോസിക്യൂട്ടറെ മാറ്റണമെന്നാണ് ചെന്നിത്തലയുടെ ആവശ്യം.
നടിയെ ആക്രമിച്ച കേസിലും സൗമ്യ വധക്കേസിലും വാദിച്ച പബ്ലിക് പ്രോസിക്യൂട്ടർ അഡ്വ. എസ് സുരേശനെ നിയമിക്കണമെന്ന് കത്തിൽ നിർദ്ദേശിച്ചു.
നിലവിലെ വക്കീലന്മാരോ പ്രോസിക്യൂട്ടറോ വാദിച്ചാൽ കേസിൽ അട്ടിമറി സാധ്യതയുണ്ടെന്നും പ്രഹസനം മാത്രമാകുമെന്നും ചെന്നിത്തല ചൂണ്ടിക്കാട്ടി.
നിയമസഭാ കയ്യാങ്കളി കേസ് പിൻവലിക്കണമെന്നാവശ്യപ്പെട്ട് സംസ്ഥാന സർക്കാരും കേസിൽ പ്രതികളായ 6 ഇടത് എംഎൽഎമാരും നൽകിയ ഹർജി സുപ്രീം കോടതി തള്ളിയിരുന്നു. നിയമസഭാ പരിരക്ഷ ലഭിക്കില്ലെന്നും വിചാരണ നേരിടണമെന്നും സുപ്രീം കോടതി വിമർശിച്ചു.
2015 മാർച്ച് 13 ന് കെ.എം മാണി ബജറ്റ് അവതരിപ്പിക്കുന്നതിനിടെ നടന്ന നാടകീയ സംഭവങ്ങളാണ് വിവാദമായത്.
Story Highlights: Ramesh Chennithala sent letter to CM about assembly Ruckus case
