
കോവിഡ് വാക്സിനേഷനുമായി ബന്ധപ്പെട്ട് പ്രചരിക്കുന്ന വ്യാജസന്ദേശത്തിനെതിരെ നടപടി സ്വീകരിച്ചതായി ആരോഗ്യമന്ത്രി. ആരോഗ്യവകുപ്പ് പ്രതിനിധിയെന്ന പേരിൽ കോവിഡ് വാക്സിനേഷനെ കുറിച്ചുള്ള വ്യാജസന്ദേശമാണ് പ്രചരിച്ചത്.
ഗംഗദത്തൻ എന്ന ആരോഗ്യ വകുപ്പ് സ്പെഷ്യൽ ഡയറക്ടർ എന്ന് പരിചയപ്പെടുത്തിയ ഇയാൾ മറ്റു ഗ്രൂപ്പിലേക്ക് സന്ദേശം ഉടൻ ഷെയർ ചെയ്യാനും ആവശ്യപ്പെടുന്നുണ്ട്. എന്നാൽ ഇങ്ങനെയൊരു തസ്തിക ആരോഗ്യവകുപ്പിലില്ല.
തുടർന്ന് ആരോഗ്യവകുപ്പ് സൈബർ സെല്ലിൽ പരാതി നൽകി. പകർച്ചവ്യാധി പ്രതിരോധ നിയമപ്രകാരം ഇയാൾക്കെതിരേ കേസെടുക്കുമെന്ന് അധികൃതർ അറിയിച്ചു.
സന്ദേശത്തിൽ പ്രചരിക്കുന്നത് തെറ്റായ വാർത്തയാണെന്നും ഇത്തരം വ്യാജ വാർത്തകൾ ജനങ്ങൾ വിശ്വസിക്കരുതെന്നും മന്ത്രി ആവശ്യപ്പെട്ടു.
Story Highlights: Minister Veena George about Fake news on covid vaccination