എഐസിസിയിൽ താൻ സ്ഥാനം ചോദിച്ചിട്ടില്ലെന്ന് മുൻ പ്രതിപക്ഷ നേതാവ് രമേശ് ചെന്നിത്തല. കോൺഗ്രസ് ഹൈക്കമാൻഡ് സ്ഥാനം ലഭിക്കുമെന്ന വാർത്തകൾ നൽകി അപമാനിക്കരുതെന്ന് രമേശ് ചെന്നിത്തല പറഞ്ഞു.
താൻ ഒരു സ്ഥാനവും ചോദിച്ചിട്ടില്ലെന്നും തരാമെന്ന് ആരും പറഞ്ഞിട്ടില്ലെന്നും രമേശ് ചെന്നിത്തല വ്യക്തമാക്കി. കോൺഗ്രസിൽ പ്രവർത്തിക്കാൻ സ്ഥാനങ്ങളുടെ ആവശ്യമില്ലെന്നും രമേശ് ചെന്നിത്തല വിശദീകരിച്ചു. കേരളത്തിൽ കോൺഗ്രസ് പാർട്ടിയിൽ ഇപ്പോൾ പ്രശ്നങ്ങളൊന്നുമില്ലെന്ന് രമേശ് ചെന്നിത്തല അറിയിച്ചു.
അതേസമയം നിയമസഭ കയ്യാങ്കളി കേസിൽ സ്പെഷൽ പബ്ലിക് പ്രോസിക്യൂട്ടർ നിയമിക്കണമെന്ന ആവശ്യവുമായി മുന്നോട്ട് പോകുമെന്നും രമേശ് ചെന്നിത്തല പറഞ്ഞു. തടസ്സഹർജി നൽകാൻ രമേശ് ചെന്നിത്തലയ്ക്ക് അധികാരമില്ലെന്ന് പ്രോസിക്യൂഷൻ അറിയിച്ചിരുന്നു. സുപ്രീം കോടതി വരെ നിയമ പോരാട്ടം നടത്തിയതിനാൽ തനിക്ക് അവകാശം ഉണ്ടെന്നായിരുന്നു മറുവാദം.
Story Highlights: Ramesh Chennithala about position in AICC.
