എം ജി സർവകലാശാല പീഡന പരാതിയിൽ എ ഐ എസ് എഫ് വനിതാ നേതാവിൻറെ മൊഴിയെടുക്കുന്നു.

എം ജി സർവകലാശാല സംഘർഷത്തിനിടെ എസ്എഫ്ഐ നേതാക്കൾ ബലാത്സംഗ ഭീഷണി മുഴക്കിയതായി എ ഐ എസ് എഫ് വനിതാ നേതാവ് നൽകിയ പരാതിയിലാണ്  പൊലീസ് മൊഴിയെടുത്തത്. 

ഇന്നലെ ഹാജരാകാൻ ആവശ്യപ്പെട്ടപ്പോൾ ആരോഗ്യകരമായ പ്രശ്നങ്ങളുണ്ടെന്നും  കോട്ടയത്ത് എത്താൻ സാധിക്കില്ലെന്നും ആണ് വനിതാനേതാവ് അറിയിച്ചത്.ഇതിനെ തുടർന്നാണ് പറവൂർ സ്റ്റേഷനിൽ വെച്ച് മൊഴിയെടുക്കുന്നത്.

പറവൂർ സിപിഐ ഓഫീസിൽ വെച്ച് മൊഴി എടുക്കണമെന്നാണ് വനിതാ നേതാവും സിപിഐ നേതാക്കളും ആവശ്യപ്പെട്ടത് പക്ഷേ പോലീസ് ഇതിന് വഴങ്ങിയില്ല.

തനിക്കെതിരെ മോശമായി പെരുമാറിയ എസ്എഫ്‌ഐയുടെ എറണാകുളം ജില്ലാ പ്രസിഡന്റ് പി എം ആര്‍ഷോ, വിദ്യാഭ്യാസമന്ത്രിയുടെ പേഴ്‌സണല്‍ സ്റ്റാഫംഗം കെ എം അരുണ്‍ എന്നിവരുടെ പേര് പ്രതി പട്ടികയിലില്ല എന്നും ഇതിനിടെ നേതാവ് ആരോപിച്ചു.

Story highlight  : Progress in MG university harrassment complaint