തമിഴ്നാട്ടിൽ നിന്നുള്ള മോഷണസംഘമായ കുറുവ സംഘം കോഴിക്കോട്ടും എത്തിയതായി സിറ്റി പോലീസ് കമ്മീഷണർ എവി ജോർജ് അറിയിച്ചു.
ഏലത്തൂർ സ്റ്റേഷൻ പരിധിയിൽ ഇവരുടെ സാന്നിധ്യമുണ്ടെന്ന് വരുന്ന രണ്ടു കേസുകൾ റിപ്പോർട്ട് ചെയ്തതായി കമ്മീഷണർ പറഞ്ഞു.
അതീവ അക്രമകാരികൾ ആണ് കുറവാ സംഘം എന്നും ഇതുവരെ അത്തരത്തിലുള്ള കേസുകൾ നഗരത്തിൽ റിപ്പോർട്ട് ചെയ്യപ്പെട്ടിട്ടില്ല എന്നും അറിയിച്ചു.
ജനങ്ങളോട് അതീവ ജാഗ്രത പാലിക്കാനും ആയുധങ്ങൾ വീടിനു പുറത്ത് വയ്ക്കരുത് എന്നും അറിയിച്ചു.
കഴിഞ്ഞ ദിവസം പാലക്കാട്ടു നിന്നും കുറുവ സംഘത്തിലുള്ള മൂന്നു പേരെ അറസ്റ്റ് ചെയ്തിരുന്നു.
രാത്രികാലങ്ങളിലാണ് കുറുവാ സംഘം ആക്രമണം നടത്തുന്നത്.
അടിയന്തര സാഹചര്യത്തിൽ പോലീസ് കൺട്രോൾ റൂമിൻറെ 04952721697 എന്ന നമ്പറിൽ ബന്ധപ്പെടാം എന്നും കമ്മീഷൻ അറിയിച്ചു.
Story highlight : Presence of Kuruva theft gang reported in Kozhikode.
